येथील राम मंदिर बांधकाम समितीच्या दोन दिवसीय बैठकीच्या समारोपप्रसंगी गोविंददेव गिरी बोलत होते. फाउंडेशन रेखांकनाचा अंतिम अहवाल १५ डिसेंबरपर्यंत स्पेशल तीर्थक्षेत्र एरिया ट्रस्टला सादर केला जाईल, अशी माहिती त्यांनी दिली. या अहवालाच्या आधारे, एक नकाशा तयार केला जाईल आणि पुढील महिन्यामध्ये म्हणजेच १५ जानेवारीपर्यंत मंदिराचे बांधकाम सुरू होईल. तीर्थ क्षेत्र ट्रस्टच्या दोन दिवसीय बैठकीत खूप उत्साहवर्धक चर्चा झाल्याचे त्यांनी सांगितले.
या संदर्भात अधिक माहिती देताना गिरी म्हणाले की, प्रस्तावित मंदिराच्या उद्यानातील बांधकामाच्या योजनेसह उद्यानाच्या बाहेर रामजनभूमी संकुलातील उर्वरित ६५ एकरातील विकासकामांचा आढावा बैठकीत घेण्यात आला. मुख्यमंत्री योगी आदित्यनाथ यांना रामजनमभूमीला वैदिक शहर म्हणून परिसराचा विकास करायचा आहे आणि आमच्यासाठी हा प्रयत्न खूप स्वागतार्ह आहे. मुख्यमंत्र्यांच्या प्रयत्नांनुसार, रामजन्मभूमी संकुल जगाच्या सांस्कृतिक राजधानीच्या रूपात विकसित व्हावे आणि श्री राम यांच्या प्रतिष्ठेनुसार अयोध्या जगाची सांस्कृतिक राजधानी व्हावी, अशी आमची इच्छा आहे.
