मुंबई – अभिनेता सुशांतसिंह मृत्यू प्रकरणात अभिनेत्री रिया चक्रवर्ती हिला अटक करण्यात आली आहे. ड्रग्ज कनेक्शन प्रकरणी पोलिसांनी तिला अटक केल्याचे सांगिचले जात आहे. नार्कोटिक्स कंट्रोल ब्युरोने ही कारवाई केली आहे. ड्रग्ज घेतल्याचे रियाने चौकशी दरम्यान कबुल केले होते. सुशांत आणि त्याच्या मित्रांसोबत अनेकदा ड्रग्ज घेतल्याचे तिने चौकशीच मान्य केले. त्यामुळे पुढील चौकशीसाठी तिला अटक करण्यात आली आहे. तिची वैद्यकीय चाचणी केली जाणार आहे. हे ड्रग्ज कुठून खरेदी करीत होते, कोण देत होते, कुठे मिळते यासह अन्य बाबींची चौकशी केली जाणार आहे. दरम्यान, रिया ही सराईत गुन्हेगार नसल्याने तिला रिमांडची गरज नसल्याचे नार्कोटिक्स कंट्रोल ब्युरोचे उपसंचालक के पी एस मल्होत्रा यांनी सांगितले आहे.
