मुंबई – पॉश कारमधून प्रवास करणाऱ्या नट्या अचानक रिक्षात बसलेल्या दिसल्या तर कुणालाही आश्चर्यच वाटणार. अलीकडेच अभिनेत्री दिशा पाटनी वर्सोवा येथे एका जाहिरातीचे शुटींग करीत होती. शुटींग झाल्यानंतर तिने आपल्या महागड्या गाडीत न बसता रिक्षाने जाणे पसंत केले. त्यामुळे सर्वांनाच आश्चर्याचा धक्का बसला.
दिशा पाटनीने आटोरिक्षाने प्रवास का केला, हा प्रत्येकासाठी प्रश्नच होता. रिक्षात बसत असतानाचे दृष्य छायाचित्रकारांनी टिपले. एकाचवेळी अनेकांचे कॅमेरे बाहेर निघाल्याने कदाचित शुटींगचाच भाग असावा असेही काहींना वाटले. यावेळी दिशाने काळ्या रंगाचे टॉप आणि ट्राऊझर घातले होते. केस मोकळे सोडलेले असल्यामुळे छायाचित्रांची मज्जाच होती. मास्क लावायला मात्र दिशा विसरलेली नव्हती. काही दिवसांपूर्वी सनी लिओनी हिने देखील रिक्षाची सवारी केली होती. स्थानिक प्रवासासाठी रिक्षा सर्वोत्तम साधन असल्याचे तिने म्हटले होते. दिशा अलीकडेच नवीन वर्षाचे स्वागत करण्यासाठी मालदीवला गेली होती. तिचा बॉयफ्रेंड टायगर श्रॉफ याच्यासोबत चाहत्यांना ती मालदिवमध्ये दिसली होती. त्यानंतर स्वतः दिशानेही खूप सारी छायाचित्रे इन्स्टावर शेअर केली होती. लवकर दिशा ‘राधे-योर मोस्ट वॉंटेड भाई’ या चित्रपटात सलमान खानसोबत दिसणार आहे. यात जॅकी श्रॉफ आणि रणदीप हुडा यांचीही प्रमुख भूमिका आहे. दिशा एक प्रसिद्ध अभिनेत्री असून सोशल मिडीयावर तिचे फॉलोअर्सही मोठ्या संख्येत आहेत. तिची छायाचित्रे ग्लॅमरस असल्यामुळे चाहतेही कमेंट्स देण्यासाठी तुटून पडतात.
https://www.instagram.com/p/CJ0mf7OFSed/?utm_source=ig_web_copy_link
