मुंबई – भारतीय क्रिकेट संघाचा कप्तान विराट कोहली याचा वाढदिवस गुरुवार (५ नोव्हेंबर) रोजी झाला. धुमधडाक्यात झालेल्या या सेलिब्रेशनला त्याची पत्नी अनुष्का शर्मा देखील उपस्थित होती. आता अनुष्काने विराटसोबतचे आपले काही खास फोटो इंस्टाग्रामवर शेअर करत त्याला शुभेच्छा दिल्या आहेत. पहिल्या फोटोत अनुष्का त्याला मिठी मारताना तर दुसऱ्या फोटोत ती विराटच्या गालावर किस करताना दिसते आहे. या फोटोजना चाहत्यांचे भरपूर म्हणजे तब्बल दोन लाखांहून अधिक लाईक्स मिळत आहेत. विराटच्या बर्थडे सेलिब्रेशनचा एक व्हिडीओ व्हायरल झाला आहे, त्यात अनुष्का त्याला केक भरवताना दिसते आहे. या सेलिब्रेशनला रॉयल चॅलेंजर्स बंगलोरची टीमही हजर होती.
