वैद्यकीय शिक्षण मंत्र्यांचे कुलगुरुंना निर्देश
नाशिक ः विद्यार्थ्यांचा जीव धोक्यात घालून वैद्यकीय परीक्षा न घेता, अनुकूल वातावरण निर्माण होताच त्या घ्याव्यात, असे निर्देश वैद्यकीय शिक्षण मंत्री अमिक देशमुख यांनी आरोग्य विज्ञान विद्यापीठाचे कुलगुरु डॉ. दिलीप म्हैसेकर यांना दिले आहेत.
राज्यातल्या वैद्यकीय विद्यार्थ्यांच्या परीक्षा घेण्याबाबत महाराष्ट्र आरोग्य विज्ञान विद्यापीठानं परीक्षांचं वेळापत्रक जाहीर केलं आहे, त्या पार्श्वभूमीवर देशमुख यांनी आज या सूचना दिल्या. प्रथम, द्वितीय तसच तृतीय वर्षाच्या विद्यार्थ्यांचा, पुढच्या वर्षाचा अभ्यासक्रम सुरू करावा, अंतिम वर्षात शिक्षण घेणाऱ्या विद्यार्थ्यांच्या पुढील शिक्षणाला बाधा निर्माण होणार नाही यादृष्टीने, अंतिम वर्षांच्या विद्यार्थ्यांची इंटर्नशिप सुरू करावी, अशा सूचना करत, तसे केंद्रीय मंडळाला कळवावे, असं देशमुख यांनी सांगितले आहे.
