जगातील सर्वात मोठ्या मोतेरा स्टेडिअमचे शानदार उद्घाटन (व्हिडिओ)

बघा व्हिडिओ

https://twitter.com/PBNS_India/status/1364419891453825026

पंतप्रधानांच्या कल्पनेतून साकार

मोतेरा स्टेडिअम पंतप्रधान नरेंद्र मोदी यांच्या कल्पनेतून साकार करून सजवण्यात आले आहे. यामध्ये तीन कॉर्पोरेट बॉक्स, क्लब हाऊस आणि फूड कोर्टचा समावेश आहे.

लाल आणि काळ्या मातीपासून बनवलेली खेळपट्टी या स्टेडिअमध्ये पहायला मिळेल. त्यात सहा लाल आणि पाच काळ्या मातीनं खेळपट्टी तयार करण्यात आली आहे. दोन्ही प्रकारच्या खेळपट्ट्यांवर एकाच वेळी सराव करणं शक्य होणार आहे.

ड्रेनेज व्यवस्था भक्कम

पाण्याचा निचरा होण्याची सुविधा असल्यामुळे मुसळधार पाऊस पडल्यानंतर केवळ ३० मिनिटात खेळपट्टीला कोरडी करणं शक्य होणार आहे. कॉर्पोरेट बॉक्समध्ये २५ प्रेक्षक बसू शकतात. प्रत्येक स्टॅंडचं दृष्य एकसमान दिसणंही शक्य होणार आहे.

अत्याधुनिक सुविधांनी सज्ज

खेळांडूंसाठी मोठ्या ड्रेसिंग रूम आणि वेगवेगळ्या अत्याधुनिक जीम तयार करण्यात आल्या आहेत. स्टेडिअमध्ये एक विशेष ऑटोग्राफ गॅलरी तयार करण्यात आली आहे. ज्यामध्ये विश्वचषकापासून आतापर्यंत झालेल्या ऐतिहासिक सामने आणि आयपीएलच्या सामन्यांतील खेळाडूंच्या हस्ताक्षरातील बॅटचा संग्रह ठेवण्यात येणार आहे. त्याचप्रमाणे हॉल ऑफ फेम नावाच्या सभागृहात जगातल्या सर्व क्रिकेटपटूंचे छायाचित्रे लावण्यात आले आहेत.