नाशिक : अ‍ॅटोरिक्षातून उतरून घराकडे पायी जाणा-या वृध्देच्या गळयातील सोन्याची पोत दुचाकीस्वार भामट्यांनी ओरबाडून नेल्याची घटना हिरावाडी भागात घडली. याप्रकरणी पंचवटी पोलीस ठाण्यात जबरीचोरीचा गुन्हा दाखल करण्यात आला आहे. शोभा जयराम रणधीर (६५ रा.साई रेसि.तांबोळीनगर) यांनी याप्रकरणी तक्रार दाखल केली आहे. रणधीर या गुरूवारी (दि.४) रिक्षाप्रवास करून आपल्या घराकडे पायी जात असतांना ही घटना घडली. हिरावाडी रिक्षा थांब्यावर त्या अ‍ॅटोरिक्षातून उतरून आपल्या घराकडे पायी जात असतांना जोशी कॉलनी कमानी जवळ समोरून येणा-या अज्ञात दुचाकीस्वारांपैकी एकाने त्यांच्या गळयातील सुमारे ८० हजार रूपये किमतीची सोन्याची पोत ओरबाडून नेली. अधिक तपास उपनिरीक्षक कासर्ले करीत आहेत.
अज्ञात दुचाकीस्वाराने वृध्देची ८० हजार रूपये किमतीची सोन्याची पोत ओरबडली
प्रातिनिधिक फोटो
