नवी दिल्ली : देशभरात कोरोनाच्या फैलावामुळे सध्या शाळा उघडल्या जात नाहीत. नवीन शैक्षणिक सत्राअंतर्गत शाळांमध्ये ५ एप्रिलपासून ऑनलाईन अभ्यास सुरू होणार आहेत. यानंतर राज्य परीक्षा मंडळाच्या परीक्षाही होणार आहेत, परंतु आज मध्य प्रदेश आणि पंजाब सरकारने पुन्हा शाळेच्या सुटी वाढवल्या आहेत.
मध्यप्रदेश राज्य सरकारने १५ एप्रिलपर्यंत आठवीपर्यंतचे वर्ग बंद करण्याची घोषणा केली आहे. त्याचबरोबर पंजाब सरकारने १० एप्रिलपर्यंत शाळा बंद ठेवण्याचे आदेश दिले आहेत. यापूर्वी १० राज्यांनी ३१ मार्चपर्यंत शाळा बंदची मुदत ठेवली होती, परंतु गुजरात, महाराष्ट्र आणि मध्य प्रदेशात कोरोना रुग्णांत वाढ झाल्यानंतर देशातील इतर राज्यांनाही १० ते १५ एप्रिलमध्ये शाळा बंद ठेवण्याचा अंदाज वर्तविला जात आहे.
उत्तर प्रदेशामधील आठवीपर्यंतची शाळा चार एप्रिलपर्यंत बंद : उत्तर प्रदेशामधील कोरोनाच्या वेगाने वाढणार्‍या प्रकरणांनी पुन्हा एकदा शाळांची चिंता निर्माण झाली आहे. आता ३१ मार्चपर्यंत बंद असलेल्या शाळा आता रविवार, ४ एप्रिलपर्यंत बंद ठेवण्याचा निर्णय घेण्यात आला आहे. त्याच वेळी, कोविड -१९ प्रोटोकॉलचे काटेकोरपणे पालन करून इतर शैक्षणिक संस्था उघडल्या जातील. इतर राज्यांप्रमाणे उत्तर प्रदेशातही कोरोना संसर्गाचे प्रमाण झपाट्याने वाढत आहे. होळीपूर्वी मुख्यमंत्री योगी आदित्यनाथ यांनी वरिष्ठ अधिकाऱ्यांसमवेत बैठक घेऊन परिस्थितीचा आढावा घेतला.
पंजाबमध्ये १० एप्रिलपर्यंत शाळा बंद :
कोरोनाच्या वाढत्या संक्रमणाच्या पार्श्वभूमीवर, पंजाब सरकारने आधीच जारी केलेला बंदी आदेश १० एप्रिलपर्यंत वाढविला आहे. कोरोना बाबत मुख्यमंत्री कॅप्टन अमरिंदर सिंह यांच्या अध्यक्षतेखाली झालेल्या आढावा बैठकीत हा निर्णय घेण्यात आला. १० एप्रिलपर्यंत शाळा बंद राहतील, हॉटेल्स, सिनेमागृह आणि मल्टिप्लेक्सवरील निर्बंध कायम राहतील. काही जिल्ह्यांमध्ये नाईट कर्फ्यू लागू करण्यात आला आहे तेथे कर्फ्यू सुरूच आहे.
मध्यप्रदेशात १५ एप्रिलपर्यंत शाळा बंद :
कोरोनाचे वाढते प्रकरण लक्षात घेता मध्यप्रदेश सरकारने १ ते ८ या वर्गातील ऑफलाइन वर्ग १५ एप्रिलपर्यंत बंद करण्याचा निर्णय घेतला आहे. शालेय शिक्षण विभागानेही यासंदर्भात आदेश जारी केले आहेत. त्याचबरोबर ९ वी ते १२ वी पर्यंतचे वर्ग पूर्वीप्रमाणे घेतले जातील. विभागाने सर्व जिल्हाधिकारी, जिल्हा शिक्षण अधिकाऱ्यांना या संदर्भातील नियमांचे पालन करण्याचे निर्देश दिले आहेत. कोरोनाच्या संसर्गामुळे सरकारने १ मार्च ते ३१ मार्च पर्यंत वर्ग बंद करण्याचा निर्णय घेतला होता. आता कोरोना संसर्गाची झपाट्याने वाढ होत आहे, हा आदेश १५ एप्रिलपर्यंत वाढविण्यात आला आहे. कोरोनाच्या वाढत्या प्रकरणांमध्ये भोपाळमधील खासगी शाळांनी पहिली ते आठवीपर्यंत ऑनलाइन वर्गाचे वेळापत्रक जाहीर केले आहे.
