नवी दिल्ली – येत्या दोन दिवसांत कोकणात बहुतेक सर्व ठिकाणी, तर मध्य महाराष्ट्र मराठवाडा आणि विदर्भात अनेक ठिकाणी पाऊस पडेल, असा हवामान विभागाचा अंदाज आहे. या काळात विदर्भात तुरळक ठिकाणी मुसळधार पावसाचा इशारा हवामान विभागानं दिला आहे. भारतीय हवामान विभागाच्या स्थापना दिनाच्या निमित्तानं केंद्रीय भू विज्ञान मंत्रालयाने आज ‘ मौसम‘ नावाच्या मोबाईल अ‍ॅपचे उदघाटन केले. या मोबाईल अ‍ॅपच्या मदतीने हवामानाचा अंदाज, तसेच हवामानाबाबतचे महत्वाचे इशारे पाहता येणार आहेत.
