हत्तीवरील योगा बाबा रामदेव यांना पडणार महागात?

आग्रा – योग गुरू बाबा रामदेव हे नेहमीच काहीतरी कारणांनी चर्चेत असतात. आता हत्तीवर योग केल्याबद्दल त्यांच्याविरुद्ध गुन्हा दाखल करण्यासाठी वकिलांनी मंगळवारी न्यू आग्रा पोलिस ठाण्यात तक्रार दिली.  वकिलांनी वन्यजीव संरक्षण कायद्यात दावा दाखल करण्याची मागणी केली आहे

 तक्रारीत म्हटले आहे की, बाबा रामदेव यांनी मथुरा येथील महावन येथील रामनरेती आश्रमात सोमवारी हत्तीवर योगसन केले.  या दरम्यान ते योगासना करताना हत्तीवरून खाली पडले.  तथापि, योगगुरूला फारशी दुखापत झाली नाही. नंतर त्याचा व्हिडिओ व्हायरल झाला आहे. यापूर्वी वकिलांनी हत्ती बचाव केंद्र ,चूरमुराचे संचालक बाबा रामदेव आणि टीव्ही चॅनेलला नोटिसा पाठवल्या आहेत.  नोटीसला उत्तर न दिल्यास वकिलांनी मंगळवारी पोलिस ठाण्यात फिर्याद दिली. दरम्यान या प्रकरणी अधिवक्ता नरेंद्र शर्मा, एसपी भारद्वाज, गगन शर्मा, राजवीर सिंग आणि राखी चौहान यांनी संयुक्तपणे नोटीस पाठविली आहे.  नोटीसमध्ये असे म्हटले होते की, पंतजली योगपीठाचे संस्थापक योग गुरु रामदेव यांच्या योग उपक्रमांचे कोट्यवधी लोक अनुसरण करतात.  अद्वितीय आणि धर्माचे प्रतीक म्हणून स्थान असणार्‍या हत्ती या प्राण्यावर योग करणे वन्यजीव संरक्षण अधिनियमांतर्गत  क्रूरतेच्या श्रेणीत येते. वकिलांनी  पोलिस स्टेशन न्यू आग्रा येथे तक्रार दिली आहे.