न्यूयॉर्क – येथे सुरु असलेल्या अमेरिकी खुल्या टेनिस स्पर्धेच्या महिला एकेरीचं विजेतेपद, जपानच्या नाओमी ओसाकानं पटकावले आहे. भारतीय प्रमाणवेळेनुसार आज (१३ सप्टेंबर) पहाटे संपलेल्या अंतिम फेरीच्या लढतीत, नाओमी ओसाकानं बेलारुसच्या व्हिक्टोरिया अझारेन्काचं कडवं आव्हान, १-६, ६-३, ६-३ असं दोन तासांच्या झुंजीत परतवून लावत अमेरिकी खुल्या टेनीस विजेतेपदावर २०१८ नंतर, दुसऱ्यांदा आपलं नाव कोरलं. पुरुष एकेरीची अंतिम लढत, जर्मनीचा अलेक्झांडर झ्वेरेव्ह आणि ऑस्ट्रियाचा डॉमिनिक थिम यांच्यात, भारतीय प्रमाण वेळेनुसार आज रात्री उशिरा ते उद्या (१४ सप्टेंबर) पहाटे होणार आहे.
अमेरिकन टेनिस स्पर्धा – जपानची नाओमी ओसाका दुसऱ्यांदा विजेती
