अजय सोनवणे, इंडिया दर्पण वृत्तसेवा
येवला – येवल्यात माजी उपमुख्यमंत्री छगन भुजबळ यांचे जल्लोषात स्वागत करण्यात आले. यावेळी त्यांनी ओबीसी आरक्षणात बांठिया आयोगाने जो अहवाल न्यायालयात सादर केला त्यात त्रुटी असल्या तरी जे आरक्षण ते पदरात पाडून घ्या, कमिटीच्या अहवालात सुद्धा तशा सूचना करण्यात आल्या असून या बाबत आपण मुख्यमंत्री, उपमुख्यमंत्री यांना भेटून ते निदर्शनात आणून देऊ असे त्यांनी पत्रकारांशी बोलतांना सांगितले.या आरक्षणावरून जनतेत नाराजी असल्याची भावना नाशिक जिल्ह्याचे माजी पालकमंत्री छगन भुजबळ यांनी व्यक्त केली आहे. ते आज आपल्या येवला मतदार संघात आले असता ओबीसी आरक्षणाचा त्यांनी पाठपुरावा केला होता. त्यामुळे त्यांचे येवल्यात स्वागत करण्यात येऊन जल्लोष करण्यात आला. ओबीसी आरक्षण शून्यातून ते झाले आहे एकदा ते मिळवू दे नंतर त्यात बदल करण्यात आलेल्या सूचना बद्दल सरकारला सांगणार असल्याचे भुजबळांनी सांगितले.