इंडिया दर्पण ऑनलाईन डेस्क – आजच्या काळात मोबाईल ही केवळ गरज नव्हे तर अत्यावश्यक साधनच बनले आहे, असे म्हटल्यास अवघे ठरणार नाही. कारण मोबाईल शिवाय आपले कोणतेही काम होणार नाही अशीच धारणा बहुतांश व्यक्तींची झालेली दिसून येते त्यामुळे चांगला मोबाईल खरेदीसाठी प्रत्येकाचा कल असतो. प्रत्येकाला मोबाईल घेताना त्याचे फीचर्स जाणून घ्यायला हवे. मोबाईलची किंमत आणि ब्रँड देखील तितकाच महत्वाचा आहे. ते देखील आपल्याला माहीत असायला हवं. या सर्व गोष्टी मोबाईल घेताना पडताळून पहायला हव्यात. आज आम्ही तुम्हाला अशाच एका मोबाईलविषयी सांगणार आहोत. Vivo ने आपला नवीन फीचर्सचा स्मार्टफोन लाँच केला असून याचं नाव Vivo Y22s आहे.
या मोबाईलचे वेगवेगळे फिचर्स आहेत. तसेच मागील पॅनलवर 50 मेगापिक्सेलसह आणखी एक कॅमेरा आहे. जे मजबूत फोटो क्लिक करण्यात मदत करतात. या मोबाईलमध्ये स्नॅपड्रॅगन 680 चिपसेट वापरण्यात आला आहे. तसेच यामध्ये एचडी प्लस डिस्प्लेसह टियरड्रॉप नॉचचा वापर करण्यात आला आहे. चला या मोबाईलचे स्पेसिफिकेशन, फीचर्स आणि किंमत जाणून घेऊ या…
Vivo Y22s च्या स्पेसिफिकेशनबद्दल बोलायचे झाले तर यात 6.5-इंचाचा LCD पॅनल आहे. हे एचडी रिझोल्यूशनसह येते, जे 720 x 1612 पिक्सेल आहे. तसेच यामध्ये 20.1:9 आस्पेक्ट रेशो देण्यात आला आहे. त्याचे रिफ्रेश दर 90 Hz चे आहेत. त्याची कमाल ब्राइटनेस 530 nits आहे. याचा स्क्रीन टू बॉडी रेशो 89.67 टक्के आहे.
Vivo Y22s च्या प्रोसेसर आणि रॅम बद्दल बोलायचे झाले तर ते स्नॅपड्रॅगन 680 चिपसेट सह येते. तसेच, यात 8 GB रॅम मिळेल. यात 128 जीबी इंटरनल स्टोरेज मिळेल. यामध्ये मायक्रोएसडी कार्ड स्लॉट्स इन्स्टॉल करण्याचा पर्याय असेल. हे Android 12 सह येते, जे सानुकूलित Funtouch OS 12 सह कार्य करेल. उजव्या बाजूला पॉवर बटणे देण्यात आली आहेत, ज्यामध्ये फिंगरप्रिंट स्कॅनर देण्यात आला आहे.
Vivo Y22s च्या कॅमेरा डिपार्टमेंट बद्दल बोलायचे झाले तर 8-मेगापिक्सलचा सेल्फी कॅमेरा देण्यात आला आहे. तसेच, बॅक पॅनलवर डुअल कॅमेरा सेटअप देण्यात आला आहे, ज्यामध्ये 50-मेगापिक्सलचा प्राइमरी कॅमेरा आणि 2-मेगापिक्सलचा सेकंडरी कॅमेरा देण्यात आला आहे. याव्यतिरिक्त, यात 5000 mAh बॅटरी आहे, ज्यामध्ये 18-वॉट फास्ट चार्जर देण्यात आला आहे. हा ड्युअल सिम फोन आहे.
Vivo Y22s नुकतेच व्हएतनाममध्ये लाँँच करण्यात आले आहे. त्याची किंमत सुमारे 20,455 रुपये ठेवण्यात आली आहे. हा फोन गडद निळ्या आणि पिवळ्या हिरव्या रंगात देण्यात येतो.
Vivo Y22s Smartphone 50 MP Camera Features Price
Technology Mobile Updates