इंडिया दर्पण
– विचार पुष्प –
तर तुम्ही सतत तुडुंब रहाल
तुमचे हृदय परमेश्वराच्या भक्तीने, सान्निध्याने आणि सतत स्मरणाने तुडुंब राहील. तर मग त्याला स्वर्गात, पृथ्वीवर अथवा अन्य कोठेतरी शोधत बसण्याची गरज राहणार नाही. या विश्वाच्या अस्तित्वाचे कारण गाभा (प्राण) म्हणजे परमेश्वर. हे ओळखा. कोणत्याही स्थलकालाहून भिन्न असा त्यास पाहू नका. प्रत्येक ठिकाणी, प्रत्येक वस्तूत, प्रत्येक घटनेत तोच विद्यमान अनुभव क्षणोक्षणी घेण्याचा प्रयत्न करा. त्यायोगे परमेश्वराचे, निरंतरचे आणि नित्य नवे असे दर्शन तुम्हास घडत राहील. प्रत्येक नव्या क्षणात, नव्या घटनेत त्याचेच दर्शन, पूजन आणि स्तवन तुम्ही करू शकाल. या सर्वस्थित परमेश्वराशी तुम्ही पूर्णपणे सततचे संलग्न रहाल.