ठाणे (इंडिया दर्पण वृतसेवा) – ठाणे शहरात सुमारे आठ ते दहा महिन्यापूर्वी एका मॉलमध्ये सेक्स रॅकेट उघडकीस आले होते या प्रकरणी दोन महिलांना अटक करण्यात आली. त्यानंतर पुन्हा एकदा चार महिन्यापूर्वी असाच प्रकार घडून आला. तेव्हा देखील काही मुलांना अटक करण्यात आली होती आता पुन्हा एकदा असहाय महिलांना फूस लावून त्यांच्याकडून कापूरबावडी येथील एका मॉलमध्ये सेक्स रॅकेट चालविणाऱ्या दोन महिला दलालांना ठाणे गुन्हे अन्वेषण विभागाच्या अनैतिक मानवी वाहतूक प्रतिबंधक कक्षाच्या पथकाने अटक केली.
त्यांच्या तावडीतून चार पिडित महिलांचीही सुटका केल्याची माहिती वरिष्ठ पोलीस निरीक्षक महेश पाटील यांनी दिली. ठाणे शहर परिसरात गेल्या काही महिन्यांपासून असहाय महिलांना फूस लावून त्यांना शरीर विक्रयासाठी काही दलाल महिला पाठवित असल्याची माहिती ठाण्याच्या अनैतिक मानवी वाहतूक प्रतिबंधक कक्षाच्या पथकाला मिळाली होती. त्याच माहितीच्या आधारे २७ जुलै २०२२ रोजी कापूरबावडी सर्कल येथील सिटी मॉल येथे बोगस ग्राहक पाठवून वरिष्ठ पोलीस निरीक्षक पाटील यांच्यासह उपनिरीक्षक भगवान औटी, जमादार श्रद्धा कदम आणि दिवाळे आदींच्या पथकाने सापळा लावून दोन कथित दलाल महिलांना अटक केली.
या छाप्यादरम्यान चार पीडित महिलांचीही सुटका करण्यात आली. या दोन्ही आरोपी महिलांविरुद्ध कापूरबावडी पोलीस ठाण्यात अनैतिक मानवी व्यापार प्रतिबंधक अधिनियमाखाली गुन्हा दाखल केला आहे. त्याचप्रमाणे काही दिवसांपुर्वी मॉलमध्ये असलेल्या थाई स्पा सेंटरमध्ये सेक्स रॅकेट सुरू असल्याची माहिती ठाणे पोलिसांना मिळाली होती. या माहितीनंतर पोलिसांनी त्या स्पा सेंटरमध्ये एक डमी ग्राहक पाठवला. यावेळी डमी ग्राहकाला स्पामधील व्यक्तीने एका सेशनसाठी पाच हजार रुपये देण्यास सांगितले आणि डील फायनल झाली. त्यानंतर डमी ग्राहकाने पोलिसांना कळवले आणि मग पोलिसांनी स्पा सेंटरवर धाड टाकली.
विशेष म्हणजे ही टोळी सर्वप्रथम ग्राहक शोधत असे. जर ग्राहक मिळाला तर त्यानंतर बोलणी अंती डील फायनल केली जात असे. यानंतर ही टोळी तरुणींना ग्राहकांसोबत संपूर्ण भारतभर फिरण्यासाठी पाठवत असे. भारतातील विविध पर्यटनस्थळांवर फिरण्यासाठी त्यांना पाठवण्यात येत होते. गोवा हे त्यांचे आवडते ठिकाण होते. यावेळी ग्राहकांसोबत देह व्यापार केला जात असे.
Thane Crime Mall Sex Racket Burst by Police Mumbai