इंडिया दर्पण ऑनलाईन डेस्क – टी२० विश्वचषकाच्या उपांत्य फेरीत पोहोचणारा इंग्लंड हा न्यूझीलंडनंतरचा दुसरा संघ बनला आहे. ग्रुप १ च्या पॉइंट टेबलमध्ये न्यूझीलंड आणि इंग्लंडचे ७-७ गुण होते. परंतु चांगल्या नेट रनरेटमुळे न्यूझीलंडने पहिले स्थान पटकावले. आता भारतीय चाहत्यांच्या मनात प्रश्न आहे की जर भारत उपांत्य फेरीत पोहोचला तर कोणत्या संघासोबत तो नॉकआऊट सामना खेळणार? जर टीम इंडियाने रविवारी झिम्बाब्वेविरुद्ध विजय नोंदवला, तर त्यांचा सामना निश्चितपणे इंग्लंडशी होईल कारण गट २ मधील अव्वल संघ गट १ मधील दुसऱ्या स्थानावर असलेल्या संघाशी भिडणार आहे. दुसरीकडे, टीम इंडिया झिम्बाब्वेविरुद्ध मोठ्या अपसेटचा बळी ठरली, तर समीकरणे थोडी गुंतागुंतीची होतील.
झिम्बाब्वेकडून भारत हरला तर?
जर टीम इंडियाला रविवारी ६ नोव्हेंबरला झिम्बाब्वेविरुद्ध पराभवाला सामोरे जावे लागले तर सुपर १२ मध्ये ते ६ गुणांवर थांबेल. अशा परिस्थितीत भारत उपांत्य फेरीत जातो की नाही हे इतर संघांच्या निर्णयावर अवलंबून असेल. गट २ मधील पहिला सामना रविवारी दक्षिण आफ्रिका आणि नेदरलँड्स यांच्यात होणार आहे. जर दक्षिण आफ्रिकेने येथे विजय मिळवला तर ते ७ गुणांसह उपांत्य फेरीत प्रवेश करतील, तर नेदरलँडविरुद्धच्या पराभवामुळे ते उपांत्य फेरीच्या शर्यतीतून बाहेर पडू शकतात. नेदरलँड्सकडून पराभूत झाल्यानंतर त्यांचे केवळ ५ गुण असतील.
त्याचवेळी, दिवसाचा दुसरा सामना पाकिस्तान आणि श्रीलंका यांच्यात होणार आहे. हा सामना जिंकणाऱ्या संघाला ६ गुण मिळतील, पण टीम इंडियाला येथे पाकिस्तानच्या पराभवापेक्षा जास्त फायदा होईल.
टीम इंडिया झिम्बाब्वेविरुद्ध हरली आणि बांगलादेशने पाकिस्तानला हरवले तरीही टीम इंडिया सेमीफायनलमध्ये पोहोचू शकते, कारण टीम इंडियाचा नेट रनरेट बांगलादेशपेक्षा चांगला आहे. दुसरीकडे, पाकिस्तान जिंकल्यास भारताला स्पर्धेतून बाहेर फेकून देऊ शकतो. त्याचवेळी, एक समीकरण असेही बनते की जर दक्षिण आफ्रिकेने शेवटचा सामना गमावला तर बांगलादेश जिंकेल की पाकिस्तान जिंकेल यावर भारताचे उपांत्य फेरीतील स्थान निश्चित होईल.
T20 World Cup 2022 Semi Final Scenario
Cricket Sports Indian Team
