बुलढाणा (इंडिया दर्पण वृत्तसेवा) – जिल्ह्यातील सिंदखेड राजा ते मेहकर रस्त्यावर असलेल्या पळसखेड चक्का गावाजवळ एसटी बस आणि कंटेनरचा भीषण अपघात झाला आहे. आज सकाळी सहा वाजण्याच्या दरम्यान हा अपघात झाला. एसटी बस पुण्याहून मेहकरला जात होती. या अपघातात ६ प्रवाशांचा मृत्यू झाला आहे. जवळपास १० प्रवासी जखमी झाले आहेत. त्यातील ६ जणांची प्रकृती गंभीर असल्याचे सांगितले जाते.
अपघाताची माहिती मिळताच स्थानिक ग्रामस्थांनी घटनास्थळी धाव घेतली. जखमींना तातडीने सिंदखेड राजा रुग्णालयात उपचारासाठी हलवले. याप्रकरणी सिंदखेड राजा पोलीस ठाण्यात अपघाताची नोंद करण्यात आली आहे. मुंबई-नागपूर जुन्या महामार्गावर हा अपघात झाला आहे. मृतांचा आकडा वाढण्याची भीती वर्तवण्यात येत आहे.
SY Bus Container Accident 6 Death 5 injured