इंडिया दर्पण ऑनलाईन डेस्क – मनोरंजन विश्वात सध्या लग्न समारंभाचा ट्रेंड आहे. अनेक कलाकार बोहल्यावर चढत आहेत. आलिया – रणबीर बोहल्यावर चढले, आता नवीन वर्षाचा पहिला महिना सरत नाही तोच सिद्धार्थ – कियारा बोहल्यावर चढले आहेत. रील लाईफमधील ही जोडी आता रिअल लाईफमध्ये प्रत्यक्षात उतरली आहे. त्यांच्या लग्नाला सेलिब्रिटींची गर्दी होती. जैसलमेरमधील सूर्यागढ पॅलेस येथे हा विवाह सोहोळा रंगला.
सिद्धार्थ मल्होत्रा आणि कियारा अडवाणी यांच्या लग्नाकडे सर्वांचे लक्ष लागलं होतं. नुकतेच हे दोघे विवाहबद्ध झाले. सिद्धार्थ-कियाराचा शाही विवाहसोहळा जैसलमेरमधील सूर्यगढ पॅलेसवर संपन्न झाला. या लग्नाला बॉलिवूडमधील अनेक सेलिब्रिटींनी हजेरी लावली. निर्माता-दिग्दर्शक करण जोहर देखील त्यांच्या लग्नाला उपस्थित होता. आता लग्नानंतर त्याने या नवविवाहित दांपत्याला एक अनोखं गिफ्ट दिलं आहे.
५,६ आणि ७ फेब्रुवारी रोजी सिद्धार्थ-कियाराचं लग्न जैसलमेर येथील सूर्यगढ पॅलेसमध्ये धुमधडाक्यात पार पडलं. ५ तारखेला मेहंदी, ६ फेब्रुवारीला हळद आणि संगीत समारंभ पार पडला. तर ७ फेब्रुवारी रोजी दुपारी ही दोघं लग्न बंधनात अडकली. त्यांच्या लग्नानिमित्त करण जोहरने एक खास पोस्ट लिहित त्यांचं अभिनंदन केलं होतं. फक्त पोस्टच नाही तर त्याने त्यांच्या लग्नानिमित्त त्यांना एक खास भेटही दिली आहे.
बॉलिवूडचे पॉवर कपल सिद्धार्थ मल्होत्रा आणि कियारा अडवाणी हे लग्न झाल्यापासून सोशल मिडियावर त्याचीच चर्चा आहे. ज्याचे फोटो आणि व्हिडिओ देखील त्यांनी अलीकडेच सोशल मीडियावर शेअर केला आहे. जे पाहिल्यानंतर चाहते त्याच्यावर प्रेमाचा वर्षाव करत आहेत. करण जोहरपासून कंगना राणौतपर्यंत अनेक बॉलिवूड सेलिब्रिटींनी या जोडप्याचे कौतुक केले आहे. चित्रपटाच्या पडद्यावर जोडी साकारल्यानंतर आता खऱ्या आयुष्यातील या सुपरहिट जोडीने एक-दोन नव्हे तर तीन चित्रपट साइन केले आहेत. करण जोहरने सिद्धार्थ कियाराला त्याच्या आगामी तीन चित्रपटांसाठी साइन केल्याची बातमी आहे.
7.02.2023❤️🙏🏼♾️ pic.twitter.com/iCWSHHNqs0
— Kiara Advani (@advani_kiara) February 10, 2023
‘शेरशाह’ चित्रपटाच्या यशानंतर चाहत्यांना सिद्धार्थ-कियाराची जोडी चाहत्यांना पसंतीस पडली आहे. ‘शेरशाह’ चित्रपटाच्या सेटवर दोघांनी रोमान्स केला. सिड-कियाराची रील लाइफ केमिस्ट्री आणि पडद्यावरचे प्रेम याला चाहत्यांनी भरभरून प्रतिसाद दिला. करणने या जोडीला दिलेला अनोखा आहेर म्हणजे त्याने सिद्धार्थ-कियाराला तीन बिग बजेट चित्रपट दिले आहेत. ‘शेरशहा’ चित्रपटातील सिद्धार्थ आणि कियाराची केमिस्ट्री प्रेक्षकांना प्रचंड आवडली. त्यानंतर हीच जोडी पुन्हा एकदा तीन वेगवेगळ्या चित्रपटांतून प्रेक्षकांच्या भेटीला येणार आहे. या चित्रपटांची निर्मिती करण जोहर करणार आहे.
एका मीडिया रिपोर्टनुसार, सिद्धार्थ-कियाराने करण जोहरच्या धर्मा प्रोडक्शनशी एक करार केला आहे. त्यानुसार ही जोडी धर्मा प्रोडक्शनच्या ३ चित्रपटांत दिसणार आहे. त्यातील एक चित्रपट शशांक खेतान दिग्दर्शित करतील अशी चर्चा आहे. हा प्रोजेक्ट वरुण धवन आणि आलिया भट्ट यांच्या ‘बद्री की दुल्हनिया’ या फ्रेंचायझीच्या धर्तीवर असेल. पण हे चित्रपट कधी प्रदर्शित होतील हे अजून जाहीर झालेलं नाही.
दरम्यान, सिद्धार्थ आणि कियाराचा लग्न सोहळा शाही थाटात पार पडला. या लग्न सोहळ्यासाठी पॅलेसमध्ये ८० खोल्या बुक करण्यात आल्या होत्या. या लग्नाला १०० टे १५० पाहुण्यांनाच निमंत्रण होते. सिद्धार्थ आणि कियाराचे नातेवाईक, मित्र मंडळींबरोबरच बॉलिवूडमधील अनेक कलाकार उपस्थित होते.
Siddhartha Malhotra Kiara Advani Wedding Special Gift
