नाशिक (इंडिया दर्पण वृत्तसेवा) – नाशिक तालुक्यातील गौण खनिज चोरी विरोधी पथकांनी अवैधरित्या गौण खनिजांचे उत्खनन करून वाहतुक करीत असतांना जप्त केलेल्या वाहनांचा 06 जानेवारी 2023 रोजी सकाळी 11.00 वाजता नाशिक तहसिल कार्यालय येथे जाहीर लिलावाद्वारे विक्री करण्यात येणार आहे. या लिलावात जास्तीत जास्त व्यक्ती व संस्थांनी सहभाग घ्यावा, असे नाशिक तहसिलदार अनिल दौंडे यांनी कळविले आहे.
गौण खनिज चोरी विरोधी पथकाने जप्त केलेल्या वाहन मालकांविरूद्ध दंडात्मक कार्यवाहीचे आदेश देण्यात आले आहेत. त्या वाहन मालकांना आदेश देवूनही दंडात्मक कार्यवाहीच्या आदेशातील शास्तिची रक्कम शासनास जमा न केलेल्या वाहनांची जाहीर लिलावाद्वारे विक्री करण्यात येणार आहे. लिलावातील अटी व शर्ती बाबत अधिक माहितीसाठी तहसिल कार्यालय, नाशिक तहसिलदार यांच्याशी कार्यालयीन वेळेत संपर्क साधावा, असे आवाहनही तहसिलदार अनिल दौंडे यांनी केले आहे.
जप्त वाहनांचा तपशिल
जप्त केलेल्या जंगम मालमत्ता धारकाचे नाव… वाहनाचा प्रकार…. वाहन क्रमांक
1 रामेश्वर किंचीत लहाने……. ट्रक……. MH-15/CK-5222
2 जव्हारलाल जमा जाधव……… ट्रॅक्टर……. GJ-15/ DU-1249
3 दिपक श्रीचंद रणवा……… हायवा……. MH-15/EG-3513
4 नितीन इश्वर गुंजाळ……… जे.सी.बी….. MH-18/ N-3432
5 खलील शेख …….407 टेम्पो…… MH-15/S–8053
Seized Vehicles Auction Tehsildar Decision
