मुंबई – केंद्र सरकारच्या भारतीय डाक विभागातर्फे राष्ट्रीय, आंतरराष्ट्रीय स्तरावरील सहभागी तसेच प्राविण्यधारक खेळाडूंकरीता विविध पदांच्या भरतीचा कार्यक्रम प्रसिद्ध झाला आहे. शालेय क्रीडा स्पर्धेतील प्राविण्य प्राप्त खेळाडूंना जाहिरातीमधील वयोमर्यादा व इतर बाबींची पूर्तता करणारावयाची आहे. त्यासाठी खेळाडूंनी विहित नमुन्यातील फॉर्म क्रमांक 4 प्रमाणित करुन घेणे आवश्यक आहे. त्यासाठी येत्या १७ नोव्हेंबर पर्यंत खेळाडूंनी जिल्हा क्रीडा अधिकाऱ्यांकडे अर्ज सादर करावा, असे आवाहन करण्यात आले आहे.
खेळाडू भरती प्रक्रियेसाठी आर्चरी, ॲथलेटिक्स, आट्या-पाट्या, बॉल बँडमिंटन, बेसबॉल, बास्केटबॉल, बिलीएंटन्स ॲण्ड स्कुनर, बॉडी बिल्डींग, बॉक्सिंग, ब्रिज, कॅरम, बुध्दीबळ, क्रिकेट, सायकलींग, सायकल पोलो, डिफ स्पोर्टस, इक्वीस्टीनथ, तलवारबाजी, फुटबॉल, गोल्फ, जिम्नॅस्टीक, हॅन्डबॉल, हॉकी, आईस हॉकी, आईस स्केटींग, आईस स्किइंग,ज्युदो, कबड्डी, कराटे, कयाकिंग ॲण्ड एनोईंग, खो-खो, कुडो, मल्लखांब, मोटर स्पोटर्स, नेटबॉल, पॅरा स्पोर्टस,पेनाक स्किनक, पोलो, पावर लिफ्टिंग, शुटींग, शुटीग बॉल, सेल बॉल, रोलर स्केटींग, सेंबिंग, रग्बी, सेपक टकरा, सॅाफ्टबॉल, सॉफ्टटेनिस,स्क्वश, स्विमींग, टेबल टेनिस, तायक्वांदो, टेनिक्वाईट, टेनिस, टेनपिन गोलंदाजी, ट्रायथलॉन, टग ऑफ वॉर, व्हॉलीबॉल, वेटलिफ्टिींग, वुशू, कुस्ती, टेनिस बॉल क्रिकेट इत्यादी खेळ समाविष्ठ आहेत.
खेळाडूंनी विहित नमुन्यातील फॉर्म 4 प्रमाणित करण्यासाठी अर्ज, राष्ट्रीयस्तरावरील प्राविण्य सहभाग प्रमाणपत्र, आधारकार्ड इत्यादी कागदपत्रे जिल्हा क्रीडा अधिकारी कार्यालयात सादर करावीत. त्यानंतर ती प्रमाणित करुन देण्यात येतील, असे क्रीडा विभागाने कळविले आहे.
