नवी दिल्ली (इंडिया दर्पण वृत्तसेवा) – भारताच्या नवीन संसदेचे आज पंतप्रधान नरेंद्र मोदी यांच्या हस्ते उद्घाटन होणार आहे. यावेळी मोदी हे ६० हजार कामगारांना सन्मानित करतील. विशेष, म्हणजे, ऐतिहासिक सेंगोल हे नव्या संसदेत ठेवले जाणार आहे. त्याचा समृ्ध असा इतिहास आहे.
केंद्रीय गृहमंत्री अमित शहा म्हणाले की, नवीन संसद भवन हा आपला इतिहास, सांस्कृतिक वारसा, परंपरा आणि सभ्यता यांना आधुनिकतेशी जोडण्याचा एक सुंदर प्रयत्न आहे. विक्रमी वेळेत नवीन रचना पूर्ण करण्यात ६० हजार श्रमयोगींनी योगदान दिले आहे. त्यासाठी पंतप्रधान नरेंद्र मोदी उद्घाटन समारंभात त्यांचा सन्मान करणार आहेत. यानिमित्ताने एका ऐतिहासिक परंपरेचे पुनरुज्जीवन होत आहे. ‘आझादी का अमृत महोत्सवा’च्या निमित्ताने पंतप्रधान मोदी संसदेची नवीन इमारत राष्ट्राला समर्पित करतील. पंतप्रधानांच्या दूरदृष्टीचा पुरावा म्हणजे नवीन संसद भवन. स्वातंत्र्याच्या अमृत महोत्सवात पंतप्रधानांनी जे ध्येय ठेवले होते ते म्हणजे आपल्या ऐतिहासिक परंपरांचा आदर आणि पुनर्जागरण.
ब्रिटिशांकडून मिळाले
नव्या इमारतीत सेंगोल ठेवण्यात येणार असल्याचे अमित शहा यांनी सांगितले. सेंगोल हे ब्रिटिशांकडून सत्ता मिळवण्याचे प्रतीक आहे. शाह यांनी निदर्शनास आणून दिले की जो सेंगोल प्राप्त करतो त्याने न्याय्य आणि निष्पक्षपणे राज्य करणे अपेक्षित आहे. देशाचे संसद भवन सेंगोलच्या स्थापनेसाठी अधिक योग्य जागा आहे, संसदेपेक्षा अधिक योग्य, पवित्र आणि योग्य जागा असू शकत नाही. सेंगोल संग्रहालयात ठेवणे अयोग्य आहे. म्हणूनच जेव्हा पंतप्रधान मोदी संसद भवन देशाला समर्पित करतील तेव्हा त्यांना तामिळनाडूकडून सेंगोल सादर केले जाईल.
इतिहासाची ओळख
अमित शाह यांनी सांगितले की, ऐतिहासिक सेंगोलचा वापर पंडित जवाहरलाल नेहरू यांनी १४ ऑगस्ट १९४७ रोजी केला होता. इंग्रजांनी भारताची सत्ता सोपवताना सेंगोलचा वापर केला. सेंगोल हा तमिळ शब्द आहे ज्याचा अर्थ संपत्तीने भरलेला आहे. सेंगोलच्या मागे जुनी परंपरा आहे. सेंगोल ही आपल्या इतिहासाची ओळख आहे. जेव्हा पंतप्रधान मोदींना याची माहिती मिळाली तेव्हा त्याची चौकशी करण्यात आली. त्यानंतर नवीन संसदेच्या उद्घाटनावेळी सेंगोल राष्ट्रासमोर ठेवण्याचा निर्णय घेण्यात आला. उद्घाटन कार्यक्रमासाठी सर्व विरोधी नेत्यांना निमंत्रित करण्यात आल्याचे अमित शहा यांनी सांगितले. संसदेच्या उद्घाटनाचे राजकारण करू नये.
History & significance of the sacred Sengol, which will be installed in the New Parliament by PM @NarendraModi.#SengolAtNewParliament pic.twitter.com/pN0FT7LWLx
— Priti Gandhi – प्रीति गांधी (@MrsGandhi) May 24, 2023
New Parliament Sengol Historic Importance
