नाशिक (इंडिया दर्पण वृत्तसेवा) – राज्याचे माजी उपमुख्यमंत्री छगन भुजबळ यांना कोरोनाची लागण झाली आहे. राज्य विधिमंडळाचे अर्थसंकल्पीय अधिवेशनात भुजबळ सक्रीय होते. त्यानंतर त्यांना ताप व अन्य लक्षणे जाणवली. त्यामुळे त्यानी कोरोनाची चाचणी केली. त्यात त्यांची चाचणी पॉझिटिव्ह आली आहे. डॉक्टरांच्या सल्ल्याने त्यांनी उपचार सुरू केले आहेत.
माझी कोरोना टेस्ट पॉझिटिव्ह आली आहे. गेल्या दोन-तीन दिवसांत माझ्या संपर्कात आलेल्या सर्वांना विनंती आहे की, आपल्याला काही लक्षणे आढळून आल्यास ताबडतोब कोरोना चाचणी करून घ्यावी. माझी प्रकृती उत्तम असून काळजी करण्याचे कारण नाही. परंतु कोरोनाच्या पार्श्वभूमीवर सर्व नागरिकांनी योग्य…
— Chhagan Bhujbal (@ChhaganCBhujbal) March 28, 2023
भुजबळ यांना दुसऱ्यांदा कोरोनाची लागण झाली आहे. यापूर्वीही ते कोरोना बाधित झाले होते. डॉक्टरांच्या सल्ल्यानुसार त्यांनी उपचार घेतले आणि त्यांनी कोरोनावर मात केली. आता पुन्हा भुजबळ यांना कोरोनाची लागण झाली आहे. गेल्या काही दिवसांपासून ते सार्वजनिक कामात सक्रीय होते. दोन दिवसांपूर्वी त्यांनी माध्यमांशीही संवाद साधला होता.
येवला तालुक्यातील अंदरसुलच्या बनकर वस्ती येथील श्री कृष्ण मंदिराचे लोकार्पण व कलशारोहण समारंभ पार पडला. या सोहळ्याला उपस्थित राहून मंदिराचे लोकार्पण केले आणि भगवान श्रीकृष्णांचे मनोभावे दर्शन घेतले. तसेच उपस्थितांशी संवादही साधला. अन्यायाच्या विरुद्ध लढा देण्याची, प्रसंगी नाती… pic.twitter.com/OSaF8cHqhN
— Chhagan Bhujbal (@ChhaganCBhujbal) March 28, 2023
येवला तालुक्यातील मानोरी बुद्रुकचे सुपुत्र वीर जवान अजित शेळके यांना नुकतेच देशसेवेचे कर्तव्य बजावत असताना अपघातात वीरमरण आले. या पार्श्वभूमीवर आज वीर जवान अजित शेळके यांच्या कुटुंबीयांची भेट घेऊन त्यांचे सांत्वन केले.
तरुण मुलगा गमावणं हा दुःखाचा खूप मोठा आघात असतो. या प्रचंड… pic.twitter.com/Js809jJSZi
— Chhagan Bhujbal (@ChhaganCBhujbal) March 27, 2023
NCP Leader Chhagan Bhujbal Corona Positive
