नाशिक (इंडिया दर्पण वृत्तसेवा) – कचरा टाकणारे, साहित्यांची चोरी करणारे यासह मद्यपी व टवाळखोरांवर कारवाई करता यावी; महापालिकेच्या मालमत्तेचे, नागरिकांचे संरक्षण व्हावे, यासाठी उद्याने आणि जॉगिंग ट्रॅकवर स्मार्ट सिटीमार्फत सीसीटीव्ही कॅमेरे बसविण्यात यावेत, अशी मागणी शिवसेना (उद्धव बाळासाहेब ठाकरे) पक्ष व सत्कार्य फाउंडेशनने केली आहे. महापालिका आयुक्तांना यासंदर्भात निवेदन देण्यात आले आहे.
गोविंदनगर, जुने सिडको, कालिका पार्क, उंटवाडी, कर्मयोगीनगर, तिडकेनगर, मंगलमूर्तीनगर, जगतापनगर, बाजीरावनगर, सद्गुरूनगर, सदाशिवनगर, बडदेनगर, पांगरे मळा, खोडे मळा, काशिकोनगर, बेळे कॉलनी, कृष्णबन कॉलनी, भुजबळ फार्म परिसरातील अनेक उद्याने आणि जॉगिंग ट्रॅक हे टवाळखोर आणि मद्यपींचे अड्डे झाले आहेत. तेथे झाडपाला व इतर कचरा टाकला जातो, यामुळे अस्वच्छतेचे साम्राज्य असते. महिला-पुरुषांच्या गळ्यातील दागिने लंपास करण्याच्या घटनाही घडतात. संरक्षक जाळ्या, ग्रीन जिमचे साहित्य यांचीही चोरी होते. या सर्व गैरप्रकारांना आळा बसावा, संबंधितांवर कारवाई करता यावी, नागरिकांचे रक्षण व्हावे, यासाठी स्मार्ट सिटीमार्फत सीसीटीव्ही कॅमेरे बसवावेत, असे निवेदन शिवसेना कार्यकर्त्या चारुशीला गायकवाड (देशमुख), सत्कार्य फाउंडेशनचे अध्यक्ष बाबासाहेब गायकवाड (देशमुख) यांच्या पुढाकाराने देण्यात आले.
शाखाप्रमुख बाळासाहेब मिंधे, मयुर आहेर, धवल खैरनार, संगिता देशमुख, प्रभाकर खैरनार, रवींद्र सोनजे, निलेश ठाकूर, यशवंत जाधव, संध्या छाया ज्येष्ठ नागरीक संघाचे अध्यक्ष विठ्ठल देवरे, सखाराम देवरे, आर. आर. जाधव, गोविंदनगर ज्येष्ठ नागरीक संघाचे अध्यक्ष भालचंद्र रत्नपारखी, ओमप्रकाश शर्मा, बाळासाहेब देशमुख, अशोक देवरे, दिलीप निकम, नवे नाशिक ज्येष्ठ नागरीक मंडळाचे अध्यक्ष देवराम सैंदाणे, बापूराव पाटील, डॉ. शशीकांत मोरे, डॉ. राजाराम चोपडे, विनोद पोळ, श्रीकांत नाईक, मनोज पाटील, मनोज वाणी, दिलीप दिवाणे, अशोक पाटील, बाळासाहेब राऊतराय, शैलेश महाजन, बाळासाहेब तिडके, मगन तलवार, जिजाऊ हास्य क्लबच्या सदस्या छाया नवले, भारती देशमुख, रंजना सुर्वे, कांचन महाजन, सुरेखा बोंडे, सुनीता उबाळे, मीना टकले, वंदना पाटील, रूपाली मुसळे, दीपक दुट्टे, राहुल काळे, पुरुषोत्तम शिरोडे, तेजस अमृतकर, हरिष काळे, प्रथमेश पाटील आदींसह नागरिकांनी ही मागणी केली आहे. दि. १५ डिसेंबर २०२२ रोजी याबाबतचे निवेदन आयुक्त चंद्रकांत पुलकुंडवार यांना देण्यात आले आहे.