देवळा (इंडिया दर्पण वृत्तसेवा) – तालुक्यातील मटाणे गावापासून काही अंतरावर असलेल्या भंगाराच्या गोदामाला अचानक आग लागल्याची घटना आज दुपारच्या सुमारास घडली. देवळा येथील भिकाशेठ पवार यांच्या मालकीचे हे गोदाम आहे. गोदामात प्लास्टिक, लाकडी अशा विविध प्रकारचे भंगार आहे. त्यामुळे आगीने काही वेळातच रौद्ररुप धारण केले. त्यामुळे परिसरात धुराचे मोठे लोट दूर पर्यंत दिसत होते.
देवळा येथे अग्निशामक यंत्रणा नसल्याने सटाणा व मालेगाव येथिल अग्निशामक वाहने पाचारण करण्यात आली आहेत. ही वाहने येण्यास काही वेळ लागला. परिणाम, आगीने रौद्र रुप घेतले आहे. त्यामुळे ती विझवण्यावर मर्यादा येत होत्या. आगीत कुठलीही जिवीतहानी झालेली नाही. मात्र गोदाम मालकाचे लाखो रुपयांचे नुकसान झाल्याचा प्राथमिक अंदाज आहे.
Nashik Deola Godown Fire Video