नाशिक (इंडिया दर्पण वृत्तसेवा)- भरधाव दुचाकी उभ्या ट्रॅक्टर ट्रॅालीवर आदळल्याने गंभीर जखमी झालेल्या दुचाकीस्वाराचा मृत्यू झाला. हा अपघात महामार्गावरील हॉटेल एक्सप्रेस इन परिसरात झाला होता. याप्रकरणी अंबड पोलीस ठाण्यात अपघाताची नोंद करण्यात आली आहे.
विवेक देवराम भले असे मृत दुचाकीस्वाराचे नाव आहे. भले गेल्या शुक्रवारी (दि.२७) सायंकाळच्या सुमारास एमएच १५ एचएक्स ८८१८ या आपल्या दुचाकीने नाशिककडून विल्होळीच्या दिशेने प्रवास करीत असतांना हा अपघात झाला होता. महामार्गावरील एक्सप्रेस इन हॉटेल परिसरातील गॅब्रीयल कंपनी समोर रस्त्याच्या कडेला लावलेल्या उभ्या ट्रॅक्टर ट्रॉलीवर भरधाव दुचाकी जावून धडकली होती.
या घटनेत तो गंभीर जखमी झाल्याने त्यास रूग्णालायात दाखल केले असता उपचार सुरू असतांना त्याचा मृत्यू झाला. याबाबत अंमलदार दिपक जगताप यांनी दिलेल्या फिर्यादीवरून पोलीस दप्तरी अपघाताची नोंद करण्यात आली असून अधिक तपास हवालदार झोले करीत आहेत.
