नाशिक (इंडिया दर्पण वृत्तसेवा)- राहत्या घरात पाय घसरून पडल्याने ८० वर्षीय वृध्दाचा मृत्यू झाला. ही घटना टाकळीरोड भागात घडली. याप्रकरणी भद्रकाली पोलीस ठाण्यात मृत्यूची नोंद करण्यात आली आहे.
अली अमीर बागवाला (रा.युवा लक्झरी, टाकळीरोड) असे मृत वृध्दाचे नाव आहे. बागवाला सोमवारी (दि. ५) सायंकाळच्या सुमारास आपल्या राहत्या घरात अचानक पाय घसरून पडले होते. या घटनेत त्यांच्या डोक्यास गंभीर दुखापत झाल्याने त्यांना नजीकच्या सह्याद्री हॉस्पिटल येथे दाखल करण्यात आले होते. गुरूवारी (दि.८) उपचार सुरू असतांना त्यांचा मृत्यू झाला. अधिक तपास हवालदार बाविस्कर करीत आहेत.
४५ वर्षीय महिलेने आपले जीवन संपविले
नाशिक (इंडिया दर्पण वृत्तसेवा)- विषारी औषध सेवन करून ४५ वर्षीय महिलेने आपले जीवन संपविले. ही घटना देवळाली कॅम्प परिसरातील सह्याद्रीनगर भागात घडली. महिलेच्या आत्महत्येचे कारण समजू शकले नाही. याबाबत पोलीस दप्तरी मृत्यूची नोंद करण्यात आली आहे.
आशा गुलाब विश्वकर्मा असे मृत महिलेचे नाव आहे. विश्वकर्मा यांनी बुधवारी (दि.७) दुपारच्या सुमारास अज्ञात कारणातून आपल्या राहत्या घरात काहीतरी विषारी पावडर सेवन केली होती. अचानक त्यांना त्रास होवू लागल्याने कुटूंबियांनी कॅन्टोमेंट हॉस्पिटल मार्फत जिल्हा रूग्णालयात दाखल केले असता दुस-या दिवशी उपचार सुरू असतांना डॉ. गोविंद पवार यांनी त्यांना तपासून मृत घोषीत केले. अधिक तपास हवालदार भोईर करीत आहेत.
