नाशिक (इंडिया दर्पण वृत्तसेवा)- जयभवानी रोडवरील औटे मळा भागात झालेल्या घरफोडीत चोरट्यांनी सुमारे सव्वा दोन लाखाच्या ऐवजावर डल्ला मारला. त्यात ७५ हजाराच्या रोकडसह सोन्याचांदीच्या दागिन्यांचा समावेश आहे. याप्रकरणी उपनगर पोलीस ठाण्यात गुन्हा दाखल करण्यात आला आहे.
वेद प्रकाश वर्मा (रा.नंदनवन कॉलनी,जयभवानीरोड) यांनी याबाबत फिर्याद दिली आहे. वर्मा कुटुंबिय १२ ते २२ मार्च दरम्यान बाहेरगावी गेले असता ही घटना घडली. अज्ञात चोरट्यांनी त्यांच्या बंद घराचे कुलूप तोडून बेडरूममधील कपाटात ठेवलेली रोकड व सोन्याचांदीचे दागिणे असा सुमारे २ लाख २५ हजाराचा ऐवज चोरून नेला. अधिक तपास जमादार शेजवळ करीत आहेत.
५२ वर्षीय व्यक्तीची आत्महत्या
नाशिक (इंडिया दर्पण वृत्तसेवा)– मखमलाबाद भागात राहणा-या ५२ वर्षीय व्यक्तीने गळफास लावून घेत आत्महत्या केली. सदर इसमाच्या आत्महत्येचे कारण समजू शकले नाही. याप्रकरणी म्हसरूळ पोलीस ठाण्यात मृत्यूची नोंद करण्यात आली आहे.
रामदास निवृत्ती भोर (५२ रा.मखमलाबाद) असे मृत व्यक्तीचे नाव आहे. भोर यानी सोमवारी (दि.२४) अज्ञात कारणातून आपल्या राहत्या घरातील बेडरूममध्ये खिडकीच्या अ‍ँगलला ओढणी बांधून गळफास लावून घेतला होता. ही बाब निदर्शनास येताच कुटूंबियांनी त्यांना तात्काळ जिल्हारूग्णालयात दाखल केले असता वैद्यकीय सुत्रांनी तपासून मृत घोषीत केले. अधिक तपास हवालदार गवारे करीत आहेत.
