नाशकात मुहुर्त शोरुमच्या मालकाची कामगारास मारहाण; तिघांवर गुन्हा दाखल

नाशिक (इंडिया दर्पण वृत्तसेवा) – शहरात नव्यानेच सुरू झालेल्या मुहुर्त या शोरुमच्या मालकाने कामगाराला बेदम मारहाण केल्याचा प्रकार समोर आला आहे. शर्ट चोरल्याच्या संशयातून कामगारास डांबून ठेवत बेदम मारहाण करण्यात आली आहे. जखमी कामगारावर जिल्हा रूग्णालयात उपचार सुरू आहे. याप्रकरणी मॉलचालकासह तिघांविरूध्द गंगापूर पोलिस स्टेशनमध्ये गुन्हा दाखल करण्यात आला आहे.

गंगापूर पोलिसांनी दिलेल्या माहितीनुसार, मुहुर्त मॉलचे मालक रितेश जैन, विनीत राजपाल व अभिषेक सिंग यांनी विशाल सुधाकर वाहूळकर (२४ रा. जेपीनगर, त्र्यंबकरोड) या कामगारास मारहाण केली. याप्रकरणी जखमी कामगाराच्या तक्रारीवरुन गुन्हा दाखल करण्यात आला आहे. वाहूळकर हा संशयितांच्या एबीबी सर्कल भागातील मुहूर्त मॉल येथील कामगार आहे. गेल्या सोमवारी (दि.२६) रात्री संशयितांनी मॉलमधील शर्ट चोरल्याच्या संशयातून वाहूळकर यास संत कबीर नगर परिसरातील मॉलच्या गोडावूनमध्ये घेवून जात बेदम मारहाण केली. मालकासह त्याच्या बाऊन्सर आणि काही सहकाऱ्यांनी जातिवाचक शिवीगाळ व दमदाटी करीत वाहूळकर यास बेदम मारहाण केली. यात वाहूळकर गंभीर जखमी झाला. त्याच्यावर जिल्हारूग्णालयात उपचार सुरू आहेत. अधिक तपास सहाय्यक निरीक्षक बैसाणे करीत आहेत

https://m.facebook.com/story.php?story_fbid=925898928399858&id=100001600901615&mibextid=Nif5oz

Nashik Crime Muhurat Showroom Owner Beaten Worker