नाशिक (इंडिया दर्पण वृत्तसेवा) – शहरात आत्महत्येचे सत्र सुरूच आहे. रविवारी (दि.२२) वेगवेगळ्या भागात राहणाऱ्या चौघांनी आपले जीवन संपविले. त्यातील तिघांनी गळफास लावून घेत तर एका महिलेने स्व:तास पेटवून घेत आत्महत्या केली. चौघांच्याही आत्महत्येचे कारण समजू शकले नाही. याप्रकरणी अंबड,सातपूर व नाशिकरोड पोलिस ठाण्यात मृत्यूची नोंद करण्यात आली आहे.
पोलिसांनी दिलेल्या माहितीनुसार सिडकोतील शिवाजी चौक भागात राहणाºया राहूल उत्तमराव मोरे (४६ रा.सायखेडे हॉस्पिटल मागे,इंद्रनगरी) यांनी रविवारी शिवाजी चौकातील निसर्ग गार्डन रो हाऊस जवळील अनुदाप बंगल्याच्या स्टोअररूममध्ये अज्ञात कारणातून छताच्या लोखंडी पाईपाला दोरी बांधून गळफास लावून घेतला होता. त्यात त्यांचा मृत्यू झाला. याबाबत सुहास महाले यांनी दिलेल्या खबरीवरून अंबड पोलिस ठाण्यात मृत्यूची नोंद करण्यात आली असून अधिक तपास पोलिस नाईक आवारे करीत आहेत.
दुसरी घटना औद्योगीक वसाहतीत घडली. विनोद काशिनाथ बोरसे (३२ रा.श्रीजी हाईटस,श्रमिकनगर) यांनी रविवारी अज्ञात कारणातून आपल्या राहत्या घरात पंख्यास ओढणी बांधून गळफास लावून घेतला होता. ही बाब निदर्शनास येताच सतिश शेलार यांनी त्यांना तात्काळ जिल्हारूग्णालयात दाखल केले असता वैद्यकीय सुत्रांनी मृत घोषीत केले. याच भागातील रेखाबाई राजेंद्र बागले (३८ रा.अंबिका स्विट मागे,अशोकनगर) यांनी गेल्या शुक्रवारी (दि.१३) सायंकाळच्या सुमारास आपल्या राहत्या घरात अज्ञात कारणातून स्व:ताच्या अंगावर ज्वलनशिल पदार्थ टाकून पेटवून घेतले होते. त्यात त्या ६० टक्के भाजल्याने मुलगा अक्षय बागले यांनी त्यांना तातडीने जिल्हा रूग्णालयात दाखल केले असता उपचार सुरू असतांना रविवारी त्यांचा मृत्यू झाला. दोन्ही घटनांप्रकरणी सातपूर पोलिस ठाण्यात वेगवेगळ््या मृत्यूच्या नोंदी करण्यात आल्या असून अधिक तपास हवालदार भड व हवालदार मुसळे करीत आहेत.
मंदा सुभाष सौदे (४० रा.वाल्मिक मंदिराजवळ,गायकवाड मळा गोरेवाडी) ही महिला रविवारी आयएसपी प्रेसच्या मोकळ््या आवारात चुल पेटविण्यासाठी सरपण घ्यायला गेली होती. अज्ञात कारणातून तिने प्रेस आवारातील बाभळीच्या झाडाला गळफास लावून घेत आत्महत्या केली. सायंकाळच्या सुमारास ही घटना उघडकीस आली. याबाबत पती सुभाष सौदे यांनी दिलेल्या खबरीवरून नाशिकरोड पोलिस ठाण्यात मृत्यूची नोंद करण्यात आली असून अधिक तपास हवालदार शेख खरीत आहेत.
Nashik Crime 4 Peoples Suicide Incidence
