नाशिक शहरातील या भागात शुक्रवारी व शनिवारी पाणी पुरवठा नाही

नाशिक – नाशिक शहरात येत्या शुक्रवारी (१२ नोव्हेंबर) आणि शनिवारी (१३ नोव्हेंबर) पाणी पुरवठा होणार नाही. तशी माहिती नासिक महापालिकेने दिली आहे.

महापालिका प्रशासनाने दिलेल्या माहितीनुसार, पंचवटी विभागातील हिरावाडी येथील शक्तीनगर जलकुंभ भरणारी उर्ध्ववाहिनी जोशीवाडा, रावाडी येथे हेवी लिकेज झालेले आहे. सदरचे लिकेज बंद करणे कामी उर्ध्ववाहिनीचे दुरुस्तीचे काम करणे आवश्यक आहे. सदरचे काम शुक्रवार दि.12/11/2021, रोजी हाती घेण्यात येणार आहे. त्यामुळे हिरावाडी शक्तीनगर जलकुंभावरुन प्र.क्र.03, मधील हिरावाडी गावठाण, जोशीवाडा, शक्तीनगर, बनारसीनगर, भगवतीनगर, जनार्दन नगर, कॅनाल लगतचा विजय नगर परिसर, विधाते नगर, महाराष्ट्र कॉलनी, दामोदर नगर, क्षिरसागर कॉलनी, मौनगिरी नगर, हिरेनगर, गुंजाळबाब नगर, तांबोळी नगर, कमलनगर, अभिजीत नगर, शिवकृपा नगर, विठठलनगर, भन्साळी मळा, केशव नगर, त्रबंक नगर व जलकुंभ संबंधित परिसर इत्यादी परिसरात पाणी पुरवठा बाधित होणार आहे. शुक्रवार दि.12/11/2021 रोजीचा होणारा संध्याकाळचा पाणीपुरवठा व शनिवार दि.13/11/2021 रोजीचा सकाळचा पाणी पुरवठा होणार नाही व संध्याकाळचा पाणी पुरवठा कमी दाबाने होईल याबाबत परिसरातील नगरिकांनी नोंद घेऊन महानगरपालिकेस सहकार्य करावे, असे आवाहन करण्यात आले आहे.