नाशिक (इंडिया दर्पण वृत्तसेवा) – पेठ रोडवर पाटालगत असलेल्या समर्थ नगर भागतील मैदानात दगडाने ठेचून त्याचा खून केल्याची घटना घडली आहे. एका ३० ते ३५ वयोगटातील युवकाचा मृतदेह येथे आढळून आला आहे. या मृत तरुणाच्या चेहऱ्यावर दगडाने जबर मार असून त्याची ओळख अद्याप पटलेली नाही. कोणीतरी दगडाने ठेचून त्याचा खून केल्याची माहिती समोर येत आहे. या घटनेची माहिती मिळताच सहाय्यक पोलीस आयुक्त सिताराम गायकवाड, वरिष्ठ पोलीस निरीक्षक सिताराम कोल्हे यांनी घटनास्थळी धाव घेत तपास सुरू केला आहे. दरम्यान, म्रुताची ओळख पटवण्यासाठी स्थानिक नागरिकांना देखील पाचारण करण्यात आले होते. मात्र चेहऱ्यावर खूप जखमा असल्यामुळे सदर इसमाची अद्याप ओळख पटू शकली नाही. पोलिसांसमोर या खुनाच्या गुन्हयाची उकल करणे आता मोठे आव्हान राहणार आहे