नाशिक (इंडिया दर्पण वृत्तसेवा) – पेठकर प्लाझा येथे लाकडाच्या वखारीमधील कॅबीन मध्ये एकाने गळफास लावून घेत आत्महत्या केल्याची घटना घडली. शिवाजी मारूती शेलार (४५ रा.अश्वमेधनगर,आरटीओ समोर पेठरोड) असे आत्महत्या करणा-या इसमाचे नाव आहे. शेलार यांच्या आत्महत्येचे कारण समजू शकले नाही. याप्रकरणी पंचवटी पोलिस ठाण्यात मृत्यूची नोंद करण्यात आली आहे. शेलार यांनी शनिवारी (दि.२९)पेठकर प्लाझा येथील शामसुखा वखारीच्या ऑफिसमध्ये अज्ञात कारणातून छताच्या लोखंडा पाईपाला दोरी बांधून गळफास लावून घेतला होता. त्यात त्यांचा मृत्यू झाला. याबाबत गणेश सोळसे यांनी दिलेल्या खबरीवरून पोलिस दप्तरी मृत्यूची नोंद करण्यात आली असून अधिक तपास हवालदार माळोदे करीत आहेत.
