नवी दिल्ली – भारत सरकारच्या महिला आणि बाल विकास मंत्रालयाने नारी शक्ती पुरस्कार-२०२२ साठी प्रवेशिका/नामांकनं मागवली आहेत. नारी शक्ती पुरस्कार, २०२२ साठीच्या प्रवेशिका /नामांकनं केवळ नियुक्त केलेल्या www.awards.gov.in या संकेतस्थळाद्वारेच स्वीकारण्यात येतील. ३१ ऑक्टोबर २०२२ पर्यंत प्राप्त झालेल्या प्रवेशिका/नामांकनं वर्ष २०२२ च्या नारी शक्ती पुरस्कारासाठी विचारात घेतली जातील.नारी शक्ती पुरस्कार २०२२ हा महिला आणि बाल विकास मंत्रालयाकडून आंतरराष्ट्रीय महिला दिनानिमित्त म्हणजेच ८ मार्च २०२३ रोजी महिला सक्षमीकरणासाठी विशेषत: असुरक्षित आणि उपेक्षित महिलांकरिता केलेल्या सेवेचा गौरव म्हणून प्रदान केला जाईल. पात्रता निकष आणि इतर तपशील, नारी शक्ती पुरस्कारासाठी मार्गदर्शक तत्त्वे महिला आणि बाल विकास मंत्रालयाच्या https://wcd.nic.in/acts/guidelines-nari-shakti-puraskar-2022-onwards तसेच प्रवेशिका/नामांकन पोर्टल www.awards.gov.in. यावर उपलब्ध आहेत.
