मुंबई (इंडिया दर्पण वृत्तसेवा) – येथे एका मोठ्या सेक्स रॅकेटचा मुंबई पोलिसांनी पर्दाफाश केला आहे. दक्षिण मुंबईतील एका घरामध्ये खास भूमिगत खोली बनवण्यात आली होती. त्यातून २६ तरुणींना पोलिसांनी बाहेर काढण्यात आले आहे. पोलिसांनी तीन महिलांसह चार जणांना अटक केली आहे.
याप्रकरणी मुंबई पोलिसांच्या वरिष्ठ अधिकाऱ्याने माहिती दिली आहे. मुंबईतील एका घराच्या गुप्त खोल्यांमध्ये या तरुणींना ठेवण्यात आले होते. मुंबई पोलिसांची समाज सेवा शाखेने टीप मिळाल्यानुसार मंगळवारी लेमिंग्टन रोडवरील एका इमारतीमध्ये बनावट ग्राहक पाठविला. यानंतर माहिती मिळताच पोलिसांनी तिथे छापा मारला. जे चार जण ताब्यात घेण्यात आले आहेत, ते हे सेक्स रॅकेट चालवत असल्याचे पोलिसांनी सांगितले. मात्र, छापेमारीदरम्यान त्यांचे १० साथीदार पळून गेले.
देहव्यापारात अडकलेल्या या तरुणी वेगवेगळ्या राज्यांमधील आहेत. त्यांना जबरदस्तीने देहविक्रय करण्यास भाग पाडण्यात आले होते. एसएसबीने अटक केलेल्या पुरुष व महिला आणि सुटका केलेल्या तरुणींना पुढच्या तपासासाठी डीबी मार्ग पोलिस स्टेशनच्या ताब्यात दिले. आरोपींविरुद्ध भारतीय दंड संहितेच्या (आयपीसी) संबंधित कलमांतर्गत गुन्हा दाखल करण्यात आला आहे.
Mumbai Big Sex Racket Burst by Police
26 Young Girl Release 4 Arrested
