मुंबई (इंडिया दर्पण वृत्तसेवा) – छोट्या पडद्यावरील अनेक मालिकांना प्रेक्षकांची पसंती मिळत असते. प्रेक्षकांच्या याच प्रतिसादावर या मालिकांचा टीआरपी अर्थात क्रमवारी ठरते. सध्या छोट्या पडद्यावरील मालिकांमध्ये अनेक वेगवेगळे विषय हाताळले जातात. त्यामुळेच प्रेक्षक त्यांवर भरभरून प्रेम करताना दिसतात. तुम्ही पहात असलेल्या मालिकांपैकी कोणत्या मालिका टीआरपी रेटिंगमध्ये वरच्या स्थानावर आहे, हे जाणून घ्यायचे आहे का? तर ही बातमी निश्चितच तुमच्यासाठी आहे.
आपण 10 व्या क्रमांकापासून सुरुवात करूया. या आठवड्यात 10 व्या क्रमांकावर आहे ‘स्टार प्रवाह’वरील ‘सहकुटुंब सहपरिवार’ ही मालिका. त्यानंतर नंबर लागतो तो झी मराठी वरील मन उडू उडू झालं या मालिकेचा. लवकरच ही मालिका प्रेक्षकांचा निरोप घेणार असली तरी या शर्यतीत तिने आपले स्थान टिकवून ठेवले आहे.
‘स्वाभिमान – शोध अस्तित्वाचा’ ही मालिका या आठवड्यात आठव्या क्रमांकावर आहे.
झी मराठी वरील श्रेयस तळपदे आणि प्रार्थना बेहरे यांची ‘माझी तुझी रेशीमगाठ’ या मालिकेने सातवा क्रमांक पटकावला आहे.
‘तुझेच मी गीत गात आहे’ ही मालिका या शर्यतीत सहाव्या क्रमांकावर आहे.
सगळ्यांच्या लाडक्या शशांक आणि अप्पू यांच्या ‘ठिपक्यांची रांगोळी’ या मालिकेने पहिल्या पाचात स्थान मिळवले आहे.
‘फुलाला सुगंध मातीचा’ ही मालिका चौथ्या स्थानावर आहे.
महिला वर्गात अत्यंत लोकप्रिय असलेली ‘आई कुठे काय करते’ ही मालिका या यादीत तिसऱ्या क्रमांकावर आहे.
‘सुख म्हणजे नक्की काय असतं’ ही मालिका दुसऱ्या क्रमांकावर आहे.
आता पहिल्या क्रमांकावर कोणती मालिका आहे, याची तुम्हाला उत्सुकता असेलच. तर स्टार प्रवाहवरील ‘रंग माझा वेगळा’ ही मालिका पुन्हा एकदा पहिल्या क्रमांकावर आहे. या मालिकेला 6.7 एवढे रेटिंग मिळाले आहे.
Marathi TV Serial TRP Rating List
Entertainment Zee Marathi Star Pravah