नाशिक (इंडिया दर्पण वृत्तसेवा) – नाशिक शहरात खासगी बस पेटल्याने तब्बल १२ प्रवाशांचा होरपळून मृत्यू झाला, सप्तशृंग गडावर एसटी बस पेटली या दोन घटना घडल्यानंतर आता मनमाड परिसर हादरला आहे. पुणे-इंदूर महामार्गांवर मनमाड जवळ गॅस सिलेंडर घेऊन जाणारा ट्रक पलटी झाल्याने त्याला भीषण आग लागल्याची घटना घडली आहे. ट्रकला आग लागल्यानंतर सिलेंडरचे स्फोट असल्याने पोलिसांसह स्थानिक सरकारी यंत्रणेची चांगलीच त्रेधातिरपीट उडाली. अखेर या मार्गांवरील वाहतूक दोन किलोमीटर अंतरापर्यंत रोखून धरण्यात आली.
ट्रकमध्ये गॅसने भरलेले सुमारे २०० सिलेंडर असल्याचे सांगण्यात येत आहे. अग्निशमन दलाचे बंब घटनास्थळी दाखल झाले. आहेत मात्र सिलेंडरचे स्फ़ोट होत असल्यामुळे तेथे जाण्यास अडचण येत आहे. अपघातात चालक जखमी झाला असून त्याला शासकीय रुग्णालयात दाखल करण्यात आले आहे. ट्रकमध्ये हायड्रोजन सिलेंडर असल्याचे बोलले जाते. प्रशासनाची मोठी फौज घटनास्थळी दाखल झाली असून आगीवर नियंत्रण मिळण्यासाठी कसोशीचे प्रयत्न सुरू आहेत.
बघा, या दुर्घटनेचा हा थरारक व्हिडिओ
Manmad Gas Cylinder Truck Fire Video
Accident Nashik District