लासलगाव – येथील सुमन नगर भागातील एका बंगल्यात सौ.जागृती सुनील काळे (वय २७) या विवाहितेने घरातील पंख्याला साडीने गळफास घेतल्याने तिचा मृत्यू झाल्याची घटना उघडकीस आली आहे .या बाबत अधिक माहिती अशी की सुमन नगर भागात सुनील काळे हे कांदा खरेदी करून किरकोळ विक्रीचा व्यवसाय करतात. आज शनिवारी पहाटे साडेपाच ते सहाच्या सुमारास सौ.जागृती सुनील काळे वय सत्तावीस यांनी फॅनला गळफास घेतल्याची घटना उघडकीस आली. लासलगाव पोलिस या बाबत खबर मिळताच लासलगावचे सहाय्यक पोलीस निरीक्षक राहुल वाघ तसेच पोलीस उप निरीक्षक अजिनाथ कोठाळे सहाय्यक पोलीस उपनिरीक्षक राजेंद्र अहिरे पोलीस हवालदार नंदकुमार देवडे, पोलीस नाईक संदीप शिंदे, पोलीस प्रदिप आजगे व सुजय बारगळ यांनी धाव घेतली.
कैलास महाजन प्रदीप आजगे यांच्यासह पोलिस कर्मचारी दाखल झाले या विवाहितेस आठ वर्षाचा मुलगा देखील आहे. लासलगाव पोलीस कार्यायात अकस्मात मृत्यू म्हणून घटनेची नोंद करण्यात आली असून अधिक तपास पोलीस निरीक्षक राहुल वाघ यांचे मार्गदर्शनखाली लासलगावचे पोलीस उप निरीक्षक अजिनाथ कोठाळे सहाय्यक पोलीस उपनिरीक्षक राजेंद्र अहिरे पोलीस हवालदार नंदकुमार देवडे, पोलीस नाईक संदीप शिंदे, पोलीस प्रदिप आजगे व सुजय बारगळ करीत आहेत.
