कळवण – युवक व महिलांसाठी उद्योग मार्गदर्शन मेळावा आयोजित करण्यात आला आहे. कळवण व्यापारी महासंघ, रोटरी क्लब ऑफ कळवण, महाराष्ट्र चेंबर ऑफ कॉमर्स इंडस्ट्री अँड एग्रीकल्चर तर्फे या मेळाव्याचे आयोजन करण्यात आल्याची माहिती प्रकल्प संयोजक व महाराष्ट्र चेंबर ऑफ कॉमर्स, इंडस्ट्रीज ॲन्ड अग्रीकल्चर चे विश्वस्त विलास शिरोरे यांनी दिली.
मंगळवार दि 21 जून 2022 रोजी सकाळी १०.३० वाजता हरिओम लॉन्स येथे हा मेळावा होणार आहे. या मेळाव्यास जिल्हा उद्योग केंद्राचे महाव्यवस्थापक संदीप पाटील मार्गदर्शन करणार आहेत. मेळाव्यात मुख्यमंत्री रोजगार निर्मिती कर्ज योजना व सबंधित उद्योग यावर सविस्तर माहिती देण्यात येईल. शहरातील सर्व प्रमुख बँकांचे शाखाधिकारी मेळाव्यास उपस्थित राहणार आहेत. मेळाव्यासाठी शहरातील रोटरी क्लब ,इनरव्हील क्लब ,रोटरॅक्ट क्लब सह सामाजीक व उद्योग संस्था पुढाकार घेत आहेत .या उद्योग मेळाव्यास उपस्थित रहावे असे आव्हान व्यापारी महासंघाचे अध्यक्ष मोहनलाल संचेती, जयवंत देवघरे, रोटरी क्लब ऑफ कळवण चे निलेश भामरे संभाजी पवार ,इनरव्हील क्लब च्या नयना पगार, निर्मला संचेती यांनी केले आहे.