इंडिया दर्पण ऑनलाईन डेस्क – ड्रामा क्विन अभिनेत्री राखी सावंतने ‘बिग बॉस’ मराठी सिझन ४ मध्ये मसाला भरण्याचे काम केले. तिच्यामुळे या सीझनमध्ये रंगत आली. राखी शेवटच्या पाच स्पर्धकांमध्ये आली होती. मात्र ‘बिग बॉस’ मराठीच्या घराबाहेर पडल्यावर राखीला आपल्या आईच्या तब्येतीविषयी समजले. त्यांनतर तिच्या पायाखालची जमीनच सरकली. उपचाराचा खर्च कसा करायचा अशा विवंचनेत असताना राखीच्या मदतीला थेट उद्योगपती मुकेश अंबानी हे धावून आले आहेत. या गोष्टीची चांगलीच चर्चा आहे.
राखीचे तिच्या आईवर खूप प्रेम असल्याचे तिने ‘बिग बॉस’ मध्ये वारंवार सांगितले होते. मात्र राखीची आई सध्या गंभीर आजाराचा सामना करत आहे. तिच्या आईवर सध्या उपचार सुरू आहेत. परंतु, आईच्या उपचाराचा खर्च फार असल्याचे सांगत राखीने मदतीचे आवाहन केले होते. त्यानंतर आता उद्योगपती मुकेश अंबानी राखीच्या मदतीला धावून आले आहेत. सोशल मीडियावर राखीचा एक व्हिडीओ शेअर करण्यात आला आहे.
राखीने यात मुकेश अंबानी यांचे आभार मानले आहेत. ती म्हणाली, “आजारपणामुळे माझी आई कोणाला ओळखतही नाही. तिला आम्ही दोन महिन्यांसाठी क्रिटीकेअर रुग्णालयात दाखल करत आहोत. या रुग्णालयाची फी अंबानींमुळे थोडी कमी करण्यात आली आहे. मला मदत केली त्याबाबत मी अंबानींचे आभार मानते”.
दरम्यान, राखी तसेच आदिलने सात महिन्यांपूर्वीच लग्न केल्याचं समोर आलं आहे. मे महिन्यात कोर्ट मॅरेज करत त्यांनी नव्या आयुष्याला सुरुवात केली. परंतु, बिग बॉसच्या घरातून बाहेर आल्यानंतर राखीने याचा खुलासा केला.
Industrialist Mukesh Ambani Help Actress Rakhi Sawant
Medical Help Aid Mother Hospital Health