नाशिक (इंडिया दर्पण वृत्तसेवा) – पेठरोडवरील मेहरधाम इमारतीच्या टेरेसवरून उडी मारल्याने ४८ वर्षीय व्यक्तीचा मृत्यू झाला. याप्रकरणी म्हसरूळ पोलिस ठाण्यात मृत्यूची नोंद करण्यात आली आहे. गणेश पोपटराव बोडके (रा.धनलक्ष्मी अपा.मेहरधाम) असे मृत व्यक्तीचे नाव आहे.
बोडके यांनी शुक्रवारी (दि.२०) सकाळच्या सुमारास अज्ञात कारणातून आपल्या राहत्या इमारतीच्या टेरेसमधून जमिनीवर उडी मारली होती. या घटनेत गंभीर दुखापत झाल्याने मामेसासरे नामदेव बोधले यांनी त्यांना तातडीने जिल्हा रूग्णालयात दाखल केले असता उपचारापूर्वी वैद्यकीय सुत्रांनी मृत घोषीत केले.
याबाबत पोलिस नाईक योगेश अहिवळे यांनी दिलेल्या खबरीवरून पोलिस दप्तरी मृत्यूची नोंद करण्यात आली असून अधिक तपास हवालदार राजू जगताप करीत आहेत.
Nashik City Crime Police Theft dacoity murder suicide fight beaten
