इंडिया दर्पण ऑनलाईन डेस्क
महाविकास आघाडीतील जागावाटपासंदर्भात अखिल भारतीय काँग्रेस कमिटीचे महाराष्ट्र प्रभारी रमेश चेन्नीथला यांच्या नेतृत्वात गठीत करण्यात आलेल्या महाराष्ट्र काँग्रेसच्या समितीची बैठक हॉटेल लीला, मुंबई येथे पार पडली. यावेळी आगामी विधानसभा निवडणुकीसाठी महाविकास आघाडीतील जागावाटपाबाबत काँग्रेस पक्षाच्या भूमिकेबाबत सविस्तर चर्चा झाली.
या बैठकीला माजी मुख्यमंत्री आ. पृथ्वीराज चव्हाण, विधिमंडळ काँग्रेस पक्षाचे नेते आ. बाळासाहेब थोरात, विधानपरिषद गटनेते आ. सतेज पाटील, प्रदेश कार्याध्यक्ष नसीम खान, मुंबई काँग्रेसच्या अध्यक्षा खासदार वर्षाताई गायकवाड, माजी मंत्री आ. अस्लम शेख, आ. भाई जगताप, प्रशासन व संघटन सचिव नाना गावंडे आदी मान्यवर उपस्थित होते.
