इंडिया दर्पण ऑनलाईन डेस्क
अहमदाबाद – क्रिकेट सर्वांचा आवडता खेळ आहे, त्यातच सध्या वर्ल्ड कप सुरू असल्याने सर्वांच्या नजरा याकडे लागल्या आहे. मात्र एक वेगळीच घटना घडल्याने ती सध्या चर्चा आहे, आणि ती घटना एका अभिनेत्रीशी संबंधित आहे, ती बिचारी स्टेडियमवर सामना बघण्यासाठी गेली असता तिचा एक अत्यंत महागडा आयफोन हरवला त्यामुळे आता त्या संदर्भात चर्चा सुरू आहे.
अहमदाबादमधील नरेंद्र मोदी स्टेडियममध्ये वर्ल्डकप सामना खेळवला गेला. भारत विरुद्ध पाकिस्तानमध्ये रंगतदार सामना झाला. भारताने ७ गडी राखून पाकिस्तानवर दमदार विजय मिळवला. या सामन्यासाठी क्रिकेटप्रेमींनी स्टेडियममध्ये गर्दी केली होती. गृहमंत्री अमित शाहांसह अनेक सेलिब्रिटीही हा सामना पाहण्यासाठी उपस्थित होते. बॉलिवूड अभिनेत्री उर्वशी रौतेलानेदेखील भारत-पाक सामन्याला आली होती. पण, हा सामना तिला खूपच महागात पडला आहे. कारण अभिनेत्री उर्वशी रौतेला टीम इंडियाला चिअर करण्यासाठी अहमदाबादच्या स्टेडियममध्ये पोहोचली तिने या प्रसंगाचा एक लेटेस्ट व्हिडिओ सोशल मीडियावर शेअर केला आहे. आता उर्वशी रौतेलाचा हा व्हिडिओ सर्वत्र चर्चेचा विषय बनला आहे. काही पेक्षा आणखी दुसऱ्या विषयाची जास्त चर्चा होत आहे, ती म्हणजे तेथे तिचा महागडा आयफोन हरवला आहे.
अहमदाबाद पोलिसांनी या प्रकरणाची दखल घेतली आहे. पोलिसांनी स्टेडियम परिसरातील सीसीटीव्ही फुटेज तपासण्यास सुरुवात केली आहे. उर्वशी रौतेलाला क्रिकेटचा खूप शौक आहे. ती यापूर्वीही अनेकदा क्रिकेट सामन्यांना उपस्थित राहिली आहे. त्यामुळेच यावेळीही तिने भारत विरुद्ध पाकिस्तान यांच्यातील सामना पाहण्यासाठी स्टेडियममध्ये हजेरी लावली होती.
