इंडिया दर्पण ऑनलाईन डेस्क – देशभरातील कृषी विद्यापीठांमध्ये यावर्षी बॅचलर अभ्यासक्रमांना प्रवेश घेऊ इच्छिणाऱ्या उमेदवारांसाठी मोठी बातमी आहे. देशातील कृषी विद्यापीठांमध्ये तसेच विविध कृषी-संबंधित अभ्यासक्रम चालविणाऱ्या उच्च शिक्षण संस्थांमध्ये विद्यार्थी पदवी अभ्यासक्रमासाठी प्रवेश घेत असतात. पदवी स्तरावरील अभ्यासक्रमांच्या प्रवेशासाठी पात्र उमेदवारांच्या निवडीसाठी नॅशनल टेस्टिंग एजन्सी (NTA) द्वारे अखिल भारतीय प्रवेश परीक्षा घेतली जाते. मात्र, या वर्षापासून ही परीक्षा (AIEEA-UG) घेण्यात येणार नाही. यासंदर्भातील अधिसूचना NTAने जारी केली आहे.
आता CUET UG कृषी विद्यापीठांमध्ये प्रवेशासाठी वापरला जाईल. यासोबतच NTA ने घोषणा केली आहे की, 2023-24 या वर्षापासून कृषी आणि संबंधित विज्ञानाशी संबंधित अभ्यासक्रमांमध्ये प्रवेशासाठी उमेदवारांची निवड आता CUET UG 2023 मधून केली जाईल. एजन्सी स्वतः सर्व केंद्रीय विद्यापीठे, सहभागी राज्य विद्यापीठे, डीम्ड विद्यापीठे आणि खाजगी विद्यापीठे तसेच संलग्न महाविद्यालये आणि देशभरातील इतर उच्च शिक्षण संस्थांमध्ये चालवल्या जाणार्‍या बॅचलर पदवी अभ्यासक्रमांच्या प्रवेशासाठी विद्यापीठ सामान्य प्रवेश आयोजित करते.
ही परीक्षा (UG) 2022 पासून सुरू झाली होती. NTA ने यावर्षी प्रवेशासाठी CUET UG 2023 साठी अधिसूचना जारी केली आहे आणि अर्जाची प्रक्रिया 8 फेब्रुवारीपासून सुरू झाली आहे. cuet.samarth.ac.in या अधिकृत वेबसाइटवर उमेदवार १२ मार्च २०२३ पर्यंत अर्ज करू शकतात. त्याचबरोबर २१ मे पासून प्रवेश परीक्षा होणार आहे. पात्रतेसंबंधी तसेच, अन्य माितीसाठी नवीनतम अद्यतनांसाठी उमेदवारांना वेळोवेळी ICAR च्या अधिकृत वेबसाइटला भेट देण्याचा सल्ला दिला जातो.
There would be no ICAR-AIEEA (UG) for admission to UG courses in Agri & Allied subjects for 20% ICAR AlQ Seats ( 2023-24).
Hence admission to the specified UG courses hitherto being done through ICAR-AIEEA, will be done through (CUET)-UG for the academic year 2023-24.#ICAR pic.twitter.com/aT4lYq6q6n— Parijat Mishra 🇮🇳 (@parijatmis) March 2, 2023
ICAR AIEEA UG 2023 NTA Notification Published
