रेल्वे मालगाडीचे इंजिन थेट शेतात घुसले (व्हिडिओ)

सोलापूर (इंडिया दर्पण वृत्तसेवा) –  जिल्ह्यातील करमाळ्यात एका मालगाडीचा अपघात झाला असून या रेल्वेगाडीचं इंजिन थेट शेतात घुसल्याचे कळाले आहेत. सुदैवानं यात कोणतीही जीवितहानी झाली नाही. मात्र मालगाडीचं नुकसान झालं. मालगाडीचे डबेही रेल्वे रुळावरुन घसरले. करमाळा तालुक्यातल्या केम गावाजवळ मालवाहतूक करणाऱ्या रेल्वेचा अपघात झाला होता. सोलापूरहून पुणे मार्गावर रेल्वेचे दोन ट्रॅक आहेत. या ट्रॅक वरून सिमेंटने भरलेली मालगाडी ही पुण्याच्या दिशेने जात होती. आज पहाटेच्या सुमारास ही रेल्वे गाडी रुळावरून खाली उतरली व थेट केम हद्दीतील खाणट यांच्या शेतात जाऊन थांबली. यावेळी रेल्वेचे इंजिनसह दोन डबे हे शेतात तर काही डबे रुळा खाली गेल्याचे दिसून आले.

याबाबत संबंधित विभागाला माहिती मिळाल्यानंतर तातडीने त्या ठिकाणी क्रेन उपलब्ध करण्यात आली. काम पूर्ण करत रेल्वे पुन्हा एकदा पुढील दिशेने रवाना करण्याचे प्रयत्न सुरू झाले. तोपर्यंत परिसरात एका बाजूची रेल्वे लाईन बंद ठेवण्यात आली होती. सकाळच्या सुमारास आज केम या गावाजवळील शेतात सिमेंट भरलेल्या रेल्वेचे इंजिन रूळ सोडून थेट शेतात घुसले. सुदैवाने शेतात लोकवस्ती किंवा व्यक्ती नसल्याने कोणतीही जीवितहानी झाली नाही. त्यामुळे मोठा अनर्थ टळला. मात्र रेल्वे इंजिन रुळावरून खाली घसरल्याने काही रेल्वे गाड्यांचे वेळापत्रक बिघडले. आता ही रेल्वे वाहतूक पूर्वपदावर आता आली आहे.

सोलापूरहून पुण्याच्या दिशेने जाणाऱ्या मालगाडीला हा अपघात झालाय. हा अपघात नेमका कुणाच्या चुकीने झाला, याचाही आता तपास केला जाईल. मात्र सध्या अपघातग्रस्त रेल्वेतील सामान, रेल्वेरुळावरुन घसरलेले डबे आणि इतर यंत्रणा पूर्ववत करण्याचे प्रयत्न सुरु आहेत. रेल्वेचे अधिकारी आणि बचाव पथकाकडून पुढील गोष्टी सुरळीत व्हाव्यात, यासाठी युद्धपातळीवर प्रयत्न सुरु आहेत.
या अपघातात कोणतीही जीवितहानी झाली नाही. सुदैवानं ही मालगाडी असल्यानं यात कोणतेही प्रवासी नव्हते. अन्यथा मोठी दुर्घटना होण्याची शक्यता होता. मात्र थोडक्यात मोठा अनर्थ टळला आहे. असं असलं तरी आर्थिक नुकसान झालंय. मालवाहू ट्रेनमध्ये सिमेंट असल्याची माहिती मिळली आहे.

अपघातानंतर या मालगाडीच्या चालकासोबत मालगाडी वाहून नेणाऱ्या कर्मचाऱ्यांशी चर्चा करुन नेमकं काय घडलं, याबाबत अधिक माहिती घेण्यात आली. अपघात झाल्याची माहिती प्रशासनाला आणि स्थानिकांना समजताच अनेकांना धक्का बसला. रेल्वेचे अधिकारी आणि बचाव पथकानं तातडीनं घटनास्थळी धाव घेतली. त्यानंतर रेल्वेचे घसरलेले डबे आणि परसलेलं सामान पूर्ववत करण्यात आले. सदर रेल्वे अपघात नेमका का झाला, मालगाडीत काही बिघाड झाला होता का? किंवा यामागे कुणाचा घातपात घडवण्याचा कुणाचा विचार होता का?, याचा तपास रेल्वे प्रशासनाकडून केला जात आहे.

🚨 #BREAKING l #Maharashtra l #Solapur

Goods train headed from Solapur to Pune derailed; Incident near Kem (Karmala) pic.twitter.com/beq5viBFAI

— Pranjal Mishra 🇮🇳 (@PranjalmishraIN) September 4, 2022

Goods Train Accident Engine Side Track Farm Video
Karmala Solapur