इंडिया दर्पण ऑनलाईन डेस्क – सरकारी काम करताना अधिकारी कर्मचाऱ्यांमध्ये समन्वय असावा लागतो. तसेच एकाच खात्यातील दोन शासकीय विभागांमध्ये समन्वय नसेल तर गोंधळ उडू शकतो. याचे उदाहरण म्हणजे पालिकेच्या पथदीप विभाग, पाणीपुरवठा विभाग, अंतर्गत रस्ते विभाग, मल निसारण विभाग, यामध्ये समन्वय नसल्याने वारंवार रस्ते तयार करण्यात येतात आणि काही तांत्रिक कामासाठी पुन्हा रस्ते खोदण्यात येतात , अन्य शासकीय विभागांमध्ये देखील असाच गोंधळ आढळून येतो. मध्य प्रदेशातील रेल्वे विभागात देखील असाच गोंधळ उडाल्याने आश्चर्य व्यक्त केले जात आहे.
सागर जिल्ह्यात रेल्वेच्या तिसऱ्या ट्रॅकचे काम सुरु आहे. यावेळी एक विचित्र प्रकार घडला आहे. नव्या ट्रॅकच्या मधोमधच इलेक्ट्रीक कंत्राटदाराने विजेचा पोल उभा केला आहे. याचे फोटो व्हायरल झाल्यावर रेल्वेच्या स्मार्ट इंजिनिअरिंगचा उत्तम नमुना असल्याचे म्हणत नागरिक खिल्ली उडवत आहेत. तर रेल्वेचे अधिकारी असेच काम चालते असे म्हणत आहेत. रेल्वे विभागाच्या नियमानुसार येथे काम नीट सुरु आहे, मात्र सध्या बीना-कटनी स्थानकांदरम्यान रेल्वेच्या नव्या ट्रॅकचे काम सुरु आहे. रेल्वेने नरयावली ते ईसरवाराच्यामध्ये साडेसात किमीच्या रेल्वे मार्गावर दोन ठिकाणी असा प्रकार घडला आहे.
रेल्वेच्या बांधकाम विभागाने सांगितले की, रेल्वेचा ट्रॅक कंत्राटदाराने टाकला आहे, तर इलेक्ट्रीक विभागाने त्याच्या मधोमध विजेचा खांब उभा केला आहे. सहाजिकच यामुळे आता नव्या ट्रॅकला एक किमीपर्यंत बाजुला सरकवावे लागणार आहे. कारण त्याच्या मध्येच पोल उभा करण्यात आला आहे आणि इलेक्ट्रीक विभागाचा कंत्राटदार तो हटविण्यास तयार नाही. धक्कादायक बाब म्हणजे, असा प्रकार दोन ठिकाणी झाला आहे, एक ठिकाण तर अगदी रेल्वे स्थानकाच्या पाठीमागेच आहे.
https://twitter.com/KaustuvaRGupta/status/1562467756586696705?s=20&t=LxwHCuDP9leskjvxVX9x7g
वास्तविक दोन्ही विभागांमध्ये समन्वय असायला हवा होता. परंतू, चूक झाली ती झाली ती मान्य करण्यासही रेल्वे तयार नाही. आता तर हे अधिकारी रेल्वे स्थानकाची इमारत आणि ट्रॅकच हटविण्याचा विषय बोलत आहे. या साऱ्या प्रकारत रेल्वेचा पैसा मात्र वाया जाणार आहे.
कारण कंत्राटदाराने मध्यवर्ती ट्रॅकशी अलायमेंट जुळविली नाही आणि त्या ट्रॅकपासून तीन ते पाच मीटर अंतरावर नवा ट्रॅक उभा केला.
विद्युत विभागाने तर त्यापुढचा कहर केला. त्यांनी विजेचा पोल थोडा बाजुला घेऊन ट्रॅक कंत्राटदाराने उभी केलेली समस्या दूर करण्याचा प्रयत्न करायला हवा होता. परंतू त्याने नमते न घेता ट्रॅकच्या मध्येच पोल उभा केला. इसरवारा स्थानकाजवळही हाच प्रकार झाला आहे. त्यामुळे संबंधित विभागाच्या कामातील गोंधळ आणि गैरप्रकार चव्हाट्यावर आला आहे.
Electric Pole in New Railway Track Controversy