इंडिया दर्पण ऑनलाईन डेस्क – बॉलिवूडला मागे टाकत टॉलिवूडची उलाढाल वाढताच अंडरवर्ल्डने तिथेही शिरकाव करीत पाय रोवले आहेत. नात्यातील आणि मर्जीतील अभिनेते, अभिनेत्रींमार्फत मोठया प्रमाणात पैशांची गुंतवणूक केली आहे. राष्ट्रीय तपास यंत्रणेने (एनआयए) हा खळबळजनक खुलासा केला आहे. छोटा शकीलने आपल्या कुटुंबीयांमार्फत ही उलाढाल केली असल्याची माहिती पुढे येत असून त्याला यासाठी नेमकी कोणी, कशी मदत केली त्याचा तपास केला जात आहे.
मल्याळी, तेलुगू, तमीळ, कन्नड यासारख्या दाक्षिणात्य भाषांतील चित्रपटांची नगरी टॉलिवूड नावाने ओळखली जाते. तिची उलाढाल अब्जावधींच्या घरात आहे. हिंदीत डब केलेले या भाषांतील सिनेमे तिकीटबारीवर प्रचंड कमाई करत आहेत. त्यामुळे आता अंडरवर्ल्ड डॉन दाऊन इब्राहिमने आपला मोर्चा टॉलिवूडकडे वळविल्याचे समोर आले आहे. डी राँगने टॉलिवूडमध्ये आपले बस्तानही वसविल्याचा सुगावा राष्ट्रीय तपास यंत्रणेला लागताच त्यांनी तपास केला आणि त्यातून पैशांच्या उलाढाली सोबतच टॉलिवूडमधील अनेक बड्या कलाकारांचा डी गंगशी संबंध असल्याचे समोर आले.
धक्कादायक बाबी उघड
डी कंपनीशी संबंधित अनेक गोष्टींचा तपास एनआयएने केला. या ऑपरेशनमधून अनेक बाबी उपड झाल्या. छोटा शकीलच्या कुटुंबातील एक अभिनेत्री सध्या टॉलिवूडमध्ये नवीन ओळख तयार करून काम करत आहे. विशेष म्हणजे छोटा शकीलची आवडती अभिनेत्री असलेल्या मुमताजच्या नावाचा वापर करून ती टॉलिवूडमध्ये प्रसिद्धीही मिळवत आहे. गेल्या फेब्रुवारीत तिच्या बँक खात्यात छोटा शकीलच्या कुटुंबाकडून लाखो रुपयांचा व्यवहार झाल्याची धक्कादायक बाबही एनआयएच्या निदर्शनास आली आहे.
छोटा शकीलशी कनेक्शन?
डी कंपनीतील छोटा शकीलचा मेहुणा आणि सध्या अटकेत असलेला शेख ऊर्फ आरिफ भाईजान याच्या दुसऱ्या पत्नीच्या मुलीने चेन्नईतून टॉलिवूडमधून करिअरला सुरुवात केली. मुमताजच्या नावाचा वापर करून टॉलिवूडमध्ये ब्रेक मिळाला. टॉलिवूडच्या अनेक हीट चित्रपटांत काम करून प्रसिद्ध अभिनेत्री बनली. २०२२ च्या फेब्रुवारी-मार्चमध्ये तिच्या खात्यात आधी सहा लाख आणि नंतर चार लाख असे १० लाख रुपये टाकण्यात आले होते.
D Gang Tollywood National Investigation agency NIA Findings
Investment