भद्रकालीतील चौक मंडई परिसरात मोबाईलवर रोलॅट जुगार खेळणा-याला पोलिसांनी केले गजाआड
नाशिक – मोबाईलवर रोलॅट जुगार खेळण्याला पोलिसांनी गजाआड केले आहे. भद्रकालीतील चौक मंडई परिसरात तो हा जुगार खेळत होता. अशपाक शौकत सैय्यद (वय २४, दागदिवाण बिल्डींग) असे जुगार खेळणा-याचे नाव आहे. गुरुवारी (दि.१३) रात्री नऊच्या सुमारास भद्रकाली परिसरात चौकमंडई भागातील दागदिवाण बिल्डींग परिसरात संशयित हा मोबाईलवर फनगेम हा ऑनलाईन रोलॅट जुगार खेळत असल्यावरुन पोलिस नाईक विशाल दिनकर काठे (वय ३६) यांच्या तक्रारीवरुन भद्रकाली पोलिस ठाण्यात गुन्हा दाखल करण्यात आला आहे.
दुचाकी चोरी
नाशिक – पंचवटीत अमृतधाम परिसरात दुचाकी चोरी झाली. कामटवाडे भागातील अभियंतानगर परिसरातील दर्शन धर्मा चौधरी (वय २१, यशराज पार्क, अभियंतानगर) हा के.के.वाघ आभियांत्रिकी महाविद्यालयात शिकायला असून त्याने नेहमीप्रमाणे महाविद्यालयाच्या पार्किंगमध्ये त्याची ॲक्टीव्हा (एमएच १५ जीझेड ७२५६) ही काल गुरुवारी (दि१३) लावली असता दुपारी अडीचला त्याची दुचाकी चोरट्यांनी चोरुन नेल्याचे उघडकीस आले. याप्रकरणी आडगाव पोलिस ठाण्यात गुन्हा दाखल करण्यात आला आहे.