भरदिवसा घरात घुसून चोरट्यांनी दागिणे असलेली पेटी चोरली; ३ लाख १५ हजाराचा ऐवज
नाशिक : भरदिवसा घरात घुसून चोरट्यांनी दागिणे असलेली पेटी चोरून नेल्याची घटना रोकडोबावाडीत घडली. या पेटीत रोकड व सोन्याचांदीचे दागिणे असा सुमारे सव्वा तीन लाख रूपयांचा ऐवज होता. याप्रकरणी उपनगर पोलीस ठाण्यात गुन्हा दाखल करण्यात आला असून तक्रारदाराने शेजारी राहणाºया दोन संशयीत महिलांनी चोरी केल्याचा संशय व्यक्त केला आहे. राहूल यादव दिनकर (रा.रोकडोबावाडी,देवळाली गाव) यांनी तक्रार दाखल केली आहे. राहूल यांच्या शेजारी राहणाºया मानलेल्या मावशीच्या घरात ही चोरी झाली. गेल्या ३१ नोव्हेंबर रोजी सायंकाळच्या सुमारास अज्ञात चोरट्यांनी मावशीच्या घरातील लाल पेटी चोरून नेली. या पेटीत रोकड व सोन्याचांदीचे दागिणे असा सुमारे ३ लाख १५ हजाराचा ऐवज होता. दरम्यान राहूल यांनी मावशीच्या शेजारी राहणाºया रजनी सारस व बेबी भिंगरदिवे या दोन महिलांनी चोरी केल्याचा संशय व्यक्त केला असून अधिक तपास उपनिरीक्षक विकास लोंढे करीत आहेत.
गळफास लावून आत्महत्या
नाशिक : गोरेवाडी भागात राहणा-या २८ वर्षीय विवाहीतेने विषारी औषध सेवन करून आपल्या राहत्या घरात गळफास लावून आत्महत्या केली. सदर महिलेच्या आत्महत्येचे कारण समजू शकले नाही. याप्रकरणी नाशिकरोड पोलीस ठाण्यात मृत्युची नोंद करण्यात आली आहे.
विद्या गणेश नागरे (रा.मनपा शौचालयाजवळ,शास्त्रीनगर) असे आत्महत्या करणाºया महिलेचे नाव आहे. विद्या नागरे यांनी सोमवारी (दि.१५) दुपारच्या सुमारास विषारी औषध सेवन करून घेत आपल्या राहत्या घरातील हॉलमध्ये लोखंडी अ‍ँगलला ओढणी बांधून गळफास लावून घेतला होता. ही बाब लक्षात येताच कुटूंबियांनी त्यांना तात्काळ बिटको रूग्णालया मार्फत जिल्हारूग्णालयात दाखल केले असता वैद्यकीय सुत्रांनी मृत घोषीत केले. अधिक तपास पोलीस नाईक पाटील करीत आहेत.
