चीनमध्ये चाललंय काय? जॅक मा यांच्यानंतर आता दिग्गज उद्योगपती बाओ फॅन अचानक गायब

इंडिया दर्पण ऑनलाईन डेस्क – चिनी कंपनी रेनेसान्स होल्डिंग्स लिमिटेडचे ​​संस्थापक आणि दिग्गज उद्योगपती बाओ फॅन अचानक गायब झाले आहेत. त्यामुळे हाँगकाँगमध्ये सूचीबद्ध त्यांच्या कंपनीच्या स्टॉकमध्ये मोठी घसरण झाली आहे. चीनमध्ये उद्योगपती गायब होण्याची ही पहिलीच घटना नाही. यापूर्वीही अनेक प्रकरणे समोर आली आहेत.

विविध आंतरराष्ट्रीय न्यूज एजन्सींनी म्हटले आहे की, चायना रेनेसान्स होल्डिंग्स लिमिटेडने हाँगकाँग स्टॉक एक्सचेंजला दिलेल्या फाईलमध्ये म्हटले आहे की कंपनी बाओशी संपर्क करू शकत नाही. चायना रेनेसन्स होल्डिंग्ज लिमिटेडने जारी केलेल्या निवेदनात म्हटले आहे की बोर्डाकडे बाओ बेपत्ता झाल्याची कोणतीही माहिती नाही. कंपनीचा व्यवसाय पूर्वीप्रमाणेच सामान्य राहील. परदेशी मीडियाच्या वृत्तानुसार, जवळपास दोन दिवसांपासून बाओशी कोणताही संपर्क झालेला नाही.

कंपनीच्या शेअरमध्ये मोठी घसरण
चायना रेनेसान्स होल्डिंग्स लिमिटेड 2018 मध्ये हाँगकाँगमध्ये सूचीबद्ध झाली. बाओ गायब झाल्याच्या बातमीनंतर कंपनीचा स्टॉक 50 टक्के घसरला आणि सुमारे 5 हाँगकाँग डॉलर्सचा व्यापार करत होता, ज्यामुळे कंपनीचे मार्केट कॅप 480 दशलक्ष डॉलरने कमी झाले.
चायना रेनेसान्स होल्डिंग्स लिमिटेडने इलेक्ट्रिक वाहन स्टार्टअप NIO मध्ये गुंतवणूक करून नुकतीच जगभर चर्चा झाली आहे. यासह, कंपनी सल्लागार सेवा देखील देते.

जॅक माही गायब झाले होते
यापूर्वी, चीनी टेक कंपनी अलिबाबाचे संस्थापक जॅक मा हे चिनी हुकुमशहांविरोधात वक्तव्य केल्यानंतर एक वर्षासाठी लोकांपासून गायब झाले होते. यासोबतच त्यांच्या कंपनीला आयपीओ आणण्यासही मज्जाव करण्यात आला होता. तो टोकियोमध्ये शेवटचा दिसला होता.

Disappearance of dealmaker Bao Fan casts chill across China’s tech sector via @FT
https://t.co/CanPSC4kMc

— Laurance Allen (@LarryVNN) February 20, 2023

China Big Industrialist Bao Fan Missing