डॉ.सुशील पारख यांच्या नेतृत्वाखाली डॉक्टरांच्या टीमने सक्षमपणे हाताळली ही केस
नाशिक – अशोका मेडीकव्हरच्या डॉक्टरांनी पुन्हा एकदा त्यांच्या कौशल्याने प्री-मॅच्युअर बाळाला नवीन जीवन दिले आहे. याबाबात हॅास्पिटल प्रशासनाने दिलेली माहिती अशी की, सौ. शक्ती सिंग (२७ वर्षे, नाव बदलले) यांना गरोदरपणात अनेक गंभीर अडथळ्यांचा सामना करावा लागला. वरिष्ठ आणि अनुभवी बालरोग तज्ञ डॉ. सुशील पारख यांच्या नेतृत्वाखाली, डॉ. श्रीकला काकतकर (स्त्रीरोगतज्ञ), डॉ. प्रणिता संघवी (स्त्रीरोगतज्ञ), डॉ. किरण मोटवानी (बालरोगतज्ञ आणि नवजात तज्ज्ञ) आणि डॉ. नेहा मुखी (बालरोगतज्ञ) यांच्या टीमने शौर्या (नाव बदलले आहे) या गर्भधारणेच्या २२ आठवड्यात अकाली जन्मलेल्या मुलीचे प्राण वाचिवले, जन्माच्या वेळी तिचे वजन फक्त ५८० ग्रॅम होते. सौ. शक्ती सिंग सुमारे सहा महिन्यांची गरोदर असताना तिला अशोका मेडिकोव्हर हॉस्पिटलमध्ये दाखल करण्यात आले होते. त्यावेळी तिला गर्भधारणेचे २२ आठवडे पूर्ण झाले होते आणि तिला असह्य वेदना होत होत्या. हॉस्पिटलमध्ये दाखल झाल्यावर तिची तपासणी करण्यात आली असता असे आढळून आले की तिचे गर्भाशय उघडे होते आणि त्यामुळे प्रसूती पुढे ढकलण्यासाठी शस्त्रक्रिया करणे आवश्यक होते. डॉ. श्रीकला काकतकर (स्त्रीरोगतज्ञ) यांनी अगदी कौशल्याने ही अवघड शस्त्रक्रिया पार पडली आणि प्रसूतीचा कालवकधी २ आठवड्यांनी पुढे ढकलण्यात त्यांना यश आले. या शस्त्रक्रियेमध्ये उघड्या गर्भाशयाला टाके घालण्यात आले आणि त्यामुळे बाळाला आणि आईला होणारा धोका टळला. नंतर प्रसूती झाली असता ५८० ग्रॅमच्या बाळाचा जन्म झाला.
जन्म झालेल्या बाळाच्या महत्त्वाच्या अवयवांचा योग्य विकास झाला नसल्यामुळे जगण्याची शक्यता कमी दिसत होती. बाळाला व्हेंटिलेटरवर ठेवण्यात आले आणि डॉ. सुशील पारख आणि त्यांच्या टीमच्या देखरेखीखाली प्रगत नवजात शिशु अतिदक्षता विभागात बळावर उपचार करण्यात आले. हे संपूर्ण उपचार ७८ दिवसांच्या दीर्घ कालावधीसाठी चालले आणि संपूर्ण उपचारादरम्यान अनेक चढ-उतार आले. शेवटी आई आणि बाळाचे प्राण वाचवण्यात डॉक्टरांच्या टीमला यश आले, आता दोघेही सुखरूप असून धोक्याबाहेर आहेत.
बाळ गंभीर परिस्थितीतून मोठ्या यशाने बाहेर पडले
“आम्ही या कोव्हिडच्या काळात आईसह २२ आठवड्यांच्या अर्भकाला वाचवण्यात यशस्वी झालो, आमच्यासाठी हा एक ऐतिहासिक आणि भावनिक क्षण आहे. आमच्या सर्व टीमने एकत्रितपणे ध्येय केंद्रित करून दिवस-रात्र काम केले ज्यामुळे आम्हाला आई आणि मुलाचे जीव वाचविण्यात यश मिळाले. आम्ही या कुटुंबाला त्यांच्या भावी निरोगी आयुष्यासाठी शुभेच्छा देतो, सर्व अडचणींना तोंड देत हे बाळ गंभीर परिस्थितीतून मोठ्या यशाने बाहेर पडले.
डॉ. सुशील पारख, बालरोग तज्ञ
बाळाचे वजन १६०० ग्रॅम इतके झाले
डॉ. सुशील पारख यांच्या मार्गदर्शनाखाली नवजात शिशु अतिदक्षता विभागात सेवा देणारे अनुभवी कर्मचारी, एका छताखाली आंतरराष्ट्रीय दर्जाच्या सर्व निदानात्मक सुविधांची उपलब्धता, या सर्व सुविधांमुळे हे यश मिळेल आहे. आम्ही आनंदी आहोत की बाळाचे वजन लक्षणीय पद्धतीने वाढले आहे आणि आज ते १६०० ग्रॅम इतके झाले आहे.
रितेश कुमार, केंद्रप्रमुख
अशोका मेडिकोव्हर हॉस्पिटल
बालकांचा जगण्याचा दर ०.५ टक्के इतका कमी आहे.
“गेल्या काही वर्षांत, अशोका मेडिकोव्हर हॉस्पिटलने आई आणि बाळाची काळजी घेणाऱ्या प्रशिक्षित डॉक्टर, नर्सिंग आणि पॅरामेडिकल स्टाफच्या मदतीने अशा गंभीर केसेस हाताळण्याचे कौशल्य विकसित केले आहे.
जागतिक आरोग्य संघटना (WHO) नुसार, सुमारे १५ दशलक्ष मुले प्रसूतीच्या पूर्ण कालावधीच्या आधी जन्माला येतात. भारतात, एकूण प्रसूतीपैकी, १ टक्के बाळांचा जन्म २८ आठवड्यांपूर्वी होतो आणि २४ आठवड्यांपेक्षा कमी वयाच्या बालकांचा जगण्याचा दर ०.५ टक्के इतका कमी आहे.
